Русия: шаҳрванди Ӯзбекистон дар урдугоҳи хаймаӣ фавтид

Русия: шаҳрванди Ӯзбекистон дар урдугоҳи хаймаӣ фавтид

Муҳоҷири меҳнатӣ аз Ӯзбекистон дар урдугоҳи хаймаӣ дар Каменск-Шахтинскии вилояти Ростови Русия фавтидааст, менависад рӯзномаи «Пик».

Ин мард ба Русия дар ҷустуҷӯи кор омадааст, аммо ба мисли садҳо ҳазор муҳоҷирони дигар аз Осиёи Марказӣ, бинобар вазъи кунунии пандемия, бекор мондааст, аз ин рӯ баргаштан ба хона ягона роҳи ҳалли ӯ буд.

Қаблан хабар дода шуд, ки ҳазорон муҳоҷирони меҳнатӣ аз Осиёи Миёна, ки бе эътибор гузошта шудаанд, дар истгоҳи роҳи оҳани Первомайски дар Ростов барои интизори қатора хайма барпо карданд. Дар байни муҳоҷироне, ки дар ин урдугоҳ дармондаанд, шумораи зиёди занон ва кӯдакон  ҳастанд. Ҳамаи ин муҳоҷирон бо умеди ба қатора савор шудан ва ба ватан баргаштан зери истгоҳ омадаанд, аммо иртиботи ҳавоӣ ва роҳи оҳан бо кишварҳои Осиёи Миёна муваққатан қатъ карда шудааст. Ба ғайр аз парвозҳои махсуси чартерӣ ва хатсайрҳои махсуси қатораҳо, барои ба чунин хатсайрҳо баромадан, бояд дар навбати калон интизор шуд.

Тибқи маълумоти мавҷуда, дар урдугоҳ ҳарорати мард баланд шуд ва ӯро ба беморхона бистарӣ намуданд, пизишкон дар ӯ ташхиси пневмонияи яктарафа муайян кардаанд. Ин мард ба урдугоҳ баргашт ва аз онҷо 19-уми сентябр ӯ бояд ба Ӯзбекистон мерафт, аммо як рӯз пеш аз ба қатора нишастан, муҳоҷир худро нороҳат ҳис кард ва беҳуш шуду пас аз ин ба худ наомад. Сабаби пешакии марг бемории рагҳо будааст. Маълум аст, ки ӯ аз озмоиши COVID-19 гузашта буд, ки натиҷаааш манфӣ баромадааст. Ҷасади марҳумро падараш ба ватанаш ирсол намуд, ки ҷавон бо ӯ барои кор ба Русия омада буд.

 

Ёдрас мекунем, ки сокинони кишварҳои Осиёи Миёна дар тӯли зиёда аз ду даҳсола аст ки маҷбуранд солҳои дароз дар муҳоҷирати меҳнатӣ бо умеди хӯрондани оилаҳояшон нопадид шаванд, дар ҳоле ки режимҳои ҳукмрони ин кишварҳо танҳо дар бораи некӯаҳволии худ ва ҳифзи қудрат ва мансаб дар кишвар нигарон мебошанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.