40%-и мардуми Тоҷикистон дар хурду хӯрок сарфакорӣ мекунанд

40%-и мардуми Тоҷикистон дар хурду хӯрок сарфакорӣ мекунанд

Пандемияи коронавирус дар Тоҷикистон ба тамоми сокинони кишвар, хусусан ба муҳоҷирони меҳнатӣ зарба зад. Танҳо тибқи маълумоти расмӣ, ҳар сол то ним миллион нафар шаҳрвандони Тоҷикистон барои кор кардан ба Русия мерафтанд. Имсол бо сабаби баста будани марзҳо, қисми зиёди онҳо маҷбур шуданд дар ватанашон бимонанд. Дар Тоҷикистон қариб ки коре вуҷуд надорад ва оилаҳои муҳоҷирон барои зинда мондан талош доранд: онҳо маҷбуранд, ҳатто дар маҳсулоти оддитарин сарфа бикунанд, гуфта мешавад дар гузориши омодакардаи рӯзноманигорони «Настоящее Время».

Аксарияти ин хонаводаҳо дар Тоҷикистон аз оғози карантин гӯштро аз рӯйхати хӯрокаи худ хориҷ карданд, зеро аксари оилаҳо аз ҳисоби шавҳарон ва писарони худ, ки аз муҳоҷирати меҳнатӣ маблағ мефиристоданд, зиндагӣ мекарданд. Аммо аз сабаби коронавирус ва марзҳои басташуда, қисми асосии онҳо натавонистанд барои коркунӣ ба Русия бираванд.

Сокини пойтахт бо номи Саодат ба ҳайси фаррош кор мекунад ва шавҳараш Абдусамад ҳамарӯза ба бозори мардикорӣ меравад ва дар он ҷо баъзан кори ночиз меёбад.  Бо ин пули ёфтаашон онҳо ҳар рӯз хӯрокворӣ мехаранд. «Хӯроки нисфирӯзӣ аз он вобаста аст, ки шавҳарам имрӯз ба хона чӣ қадар пул меорад. Агар вай бештар кор кунад, мо хӯроки ғизодор мехарем, агар не, хӯрок ночизтар мешавад», — мегӯяд Саодат.

Сокини дигар бо номи Сафаргул Нурова гуфт, ки дар Русия ду писари ӯ дар муҳоҷирати меҳнатӣ қарор доранд. Ҳоло, бинобар пандемия, ҳарду бекоранд.  Сафарагул мегӯяд, ки писаронаш ба ӯ пул мефиристоданд ва ӯро, бародари маъюби худ, ҳамсарон ва чанд фарзанди оиларо таъмин мекарданд. Ҳоло онҳо пул фиристода наметавонанд ва тамоми оила аз ҳисоби ду нафақа зиндагӣ мекунанд.  Нафақапулӣ танҳо барои нон ва картошка кифоят мекунад.

«Ҳоло мо хеле сарфакорӣ мекунем, ҳатто орд, нон ва шакарро хеле сарфакорона истифода мебарем. Як кило шакар даҳ сомонӣ, як халта орд дусаду шаст сомонӣ, дар ҳоле ки нафақаи ман ҳамагӣ 120 сомониро ташкил медиҳад», — ҳисоб мекунад Нурова.

Тибқи таҳқиқоти Бонки Ҷаҳонӣ, беш аз 40%-и оилаҳои тоҷик истеъмоли ғизои худро ҳангоми пандемия коҳиш додаанд.  Аз ҳама бештар оилаҳои муҳоҷирони меҳнатӣ зарар диданд.  Ба гуфтаи таҳлилгарони бонк, кишвар бояд афзоиши сатҳи умумии камбизоатиро интизор шавад: дар ниҳоят, хонаводаҳои камбизоат дар Тоҷикистон нисбат ба хонаводаҳои сарватманд ба интиқоли пул хеле вобастагӣ доранд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.