Шаҳрвандони Ӯзбекистонро ба Русия роҳ надоданд

Шаҳрвандони Ӯзбекистонро ба Русия роҳ надоданд

Даҳҳо шаҳрванди Ӯзбекистон пас аз расидан ба фурудгоҳи Шереметевои шаҳри Москва се рӯзро дар онҷо тай карданд ва ба қаламрави Русия роҳ дода нашудаанд. Дар рӯзи чоруми интизорӣ, онҳоро ба ватанашон баргардонданд, иттило медиҳад Радиои Озодӣ.

Ба мардум тавзеҳ дода нашудааст, ки онҳо кадом қонунро вайрон кардаанд: ҳамаи омадагон ба Русия барои табобат ё ба назди хешовандони худ омадаанд ва дар даст тамоми ҳуҷҷатҳои заруриро доштанд. Аммо хадамоти марзбонӣ бидуни шарҳи сабабҳо шиносномаҳои онҳоро гирифта, онҳоро аз минтақаи транзитии фурудгоҳ раҳо накардаанд, бо вуҷуди он ки дар байни шаҳрвандони Ӯзбекистон занони тифлдор ва беморон буданд, ки барои табобат ба Русия омадаанд.

«Тайи се-чор рӯз мардум интизор мешаванд. Мо хуб, аммо инҳо занони кӯдакдор ҳастанд!»  — хашмгин шуда мегӯяд мусофири ҷавон ки мусофирони Ӯзбекистонро дар Шереметево ба навор гирифтааст.

«Мо инҷо дуюним, се рӯз аст, ки азоб мекашем. Бигзор онҳо шиносномаҳоямонро баргардонанд ва моро раҳо кунанд. Дар ин ҷо бо кӯдакон бароямон мушкил аст», — ёрӣ пурсида гуфт зане кӯдак дар даст дошта. «Занони кӯдакдор азоб мекашанд. Кӯдакон гиря мекунанд. Шиносномаҳои моро низ гирифтанд. Бағоҷҳоямонро намедиҳанд», — гуфт зани дигаре дар навор.  «Мисли сагҳо дар ин ҷо хоб ҳастем, оё онҳо виҷдон доранд?»  — суол мекунад мусофире аз Ӯзбекистон.

Қобили зикр аст, ки ӯзбекистониҳо кӯшиш карданд бо сафорати Ӯзбекистон тамос гиранд, аммо, тавре ки интизор мерафт, ҳадди аққал ҳеҷ гуна вокуниши дипломатҳои ӯзбекро ба даст оварда натавонистанд.

Мутаассифона, чунин муносибат ба шаҳрвандони Осиёи Миёна аз ҷониби мансабдорони рус кайҳо боз ба амри маъмулӣ табдил ёфтааст. Коршиносон чунин мешуморанд, ки набудани вокуниши режимҳои лӯхтакмонанди кишварҳои минтақа сабаби асосии чунин муносибати бадбинона нисбати сокинони Осиёи Марказӣ дар Русия мебошад. Зеро агар чунин ҳолат бо шаҳрванди ягон давлати мустақил рӯй медод, пас ҳадди аққал ҷанҷоли дипломатӣ рух медод.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.