Дар Австралия олими тоҷик дастгир шуд

Дар Австралия олими тоҷик дастгир шуд

Рӯзи 22-ми декабр донишманди 52 солаи тоҷик Абдусалом Одиназода, устоди Донишгоҳи Австралияи Ғарбӣ, дар хонаи худ дар шаҳри Перт бо иттиҳоми таблиғи терроризм боздошт шуд, дар ин хусус радиои Озодӣ бо истинод ба расонаҳои Австралӣ хабар медиҳад. Рӯзи чоршанбе, додгоҳ қарор кард, ки Абдусалом Одиназода то 15 январи соли 2021 дар ҳабс нигоҳ дошта шавад.   Хабар дода шудааст, ки Абдусалом Одиназода ба паҳн кардани маводҳои дорои хусусияти экстремистӣ дар Интернет айбдор мешавад.

Сабаби боздошти Абдусалом навори видеоие буд, ки дар моҳи феврали соли ҷорӣ дар саҳифаи ӯ дар шабакаи иҷтимоӣ нашр шудааст.

Ёдрас мекунем, ки Одиназода бо изҳороти салбии худ дар бораи мақомоти Тоҷикистон маъруф аст, ки дар робита ба ин ҳукумати Тоҷикистон борҳо ба донишгоҳе, ки ӯ дар онҷо кору фаъолият мекард, номае фиристода ба терроризм муттаҳам кардааст.

Дар соли 2018 мақомоти Тоҷикистон эълом доштанд, ки алайҳи Абдусалом Одиназода бар асоси ду моддаи Кодекси ҷиноии ҶТ — даъвати оммавӣ барои тағйир додани сохти конститутсионӣ ва даъват ба фаъолиятҳои экстремистӣ тавассути интернет парвандаи ҷиноӣ оғоз кардаанд.

Қаблан, дар соли 2018, Одиназода дар мусоҳиба бо Радиои Озодӣ изҳор намуда буд: «Ба Австралия номаҳои зиёде фиристодаанд, ки ман террорист ҳастам. Гӯё салафӣ мебошам. Вале дар кишвари Австралия салафӣ будан манъ нашудааст. Албатта, дар ин ҷо низ аз террористон метарсанд.  Ман медонам, ки роҳи ман хатарнок ва пуразоб аст.  Шояд ин барои мақомоти Австралия мушкилот эҷод кунад, аммо ман аз роҳи худ нахоҳам гашт», — гуфт дар он замон Абдусалом. «Ҳадафи ман, таблиғи исломи воқеӣ ва муттаҳид кардани мусулмонон буд. Мақомоти Тоҷикистон намехоҳанд инро бифаҳманд ва қабул бикунанд. Онҳо фикр мекунанд, ки ман ифротгароёнро дастгирӣ мекунам ва амалҳои ман хилофи қонунҳои байналмилалӣ ва шариатанд», — гуфта буд он замон ӯ.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.