Тоҷикистон: масҷидҳо баста шуданд омодагӣ ба Наврӯз идома дорад

Тоҷикистон: масҷидҳо баста шуданд  омодагӣ ба Наврӯз идома дорад

Дар шимоли Тоҷикистон омодагӣ ба таҷлили Наврӯз идома дорад. Ҳамин тавр, дар машқҳои оммавии таҷлили Наврӯз беш аз 11 ҳазор нафар ширкат меварзанд.

Омодагӣ ба ҷашн, маршировкаи мактаббачагон ва донишҷӯёни донишгоҳҳо тақрибан як моҳ пеш оғоз ёфтааст. Аммо, ба гуфтаи модари яке аз духтари мактабхон, як ҳафта пеш бо сабаби хатари коронавирус маршировкаро ба таъхир гузоштаанд. «Аз 10-уми март шурӯъ карда, кӯдакон дубора ба омодагӣ шурӯъ карданд. Маршировкаҳо аз субҳ то шом баргузор мешаванд», менависад Азия-Плюс бо истинод ба модари яке аз донишҷӯён.

Дар навбати худ, Вазорати фарҳанг қайд кард, ки касе ҷашнро бекор накардааст.  «Ҷашни Наврӯз дар саросари Тоҷикистон баргузор хоҳад шуд. Дар бораи бекор кардани таҷлили Наврӯз ҳеҷ фармон ва ё тасвибе бароварда нашудааст. Ман дар ягон ҷое нахондаам ва гумон дорам шумо низ нахондаед, ки  Наврӯз нахоҳад шуд. Ман дар хусуси маршировкае, ки дар варзишгоҳҳо гузаронида мешавад маълумот надорам. Мо дар бораи бекор кардани ҷашни Наврӯз хабаре нагирифтем, — гуфт ба хабарнигорон муовини аввали вазири фарҳанг Обидҷон Назариён.

Ҳамзамон, аз 4-уми март шурӯъ карда дар кишвар тамоми масҷидҳо барои гузоштани намози ҷамоъӣ, аз ҷумла намози ҷумъа  баста шуданд. Қарори мазкур аз ҷониби Кумитаи оид ба корҳои дин танзими анъана ва ҷашну маросимҳои назди Ҳукумати Ҷумҳурии Тоҷикистон бо баҳонаи ҳифзи аҳолӣ аз сирояти коронавирус қабул шудааст.

Ёдрас мекунем, ки тибқи гузоришҳои созмонҳои ҷамъиятӣ ба монанди Human Rights Watch ва FreedomHouse, режими Тоҷикистон тӯли беш аз даҳ сол аст ки бо ҳама гуна зуҳуроти Ислом дар кишвар мубориза мебарад ва сатҳи фишор сол аз сол меафзояд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.