Дар Тоҷикистон кампанияи пурвусъати зиддикоррупсионӣ оғоз гардид
ВКД-и Тоҷикистон шаҳрвандони кишварро даъват намудааст, ки барои ошкор намудани коррупсионерон дар сафи милитсия кӯмак бирасонанд. Дар ин хусус сомонаи расмии вазорат хабар додааст.
ВКД-и Тоҷикистон аз шаҳрвандон хоҳиш дорад оиди воқеъи амалҳои коррупсионӣ ва ё дигар амалҳои номатлуби кормандони милиса ба телефони боварӣ хабар диҳанд.
Ёдрас бояд кард, ки моҳи январи соли 2017 бахшида ба 10 солагии ташкили хадамоти зиддикоррупсионӣ Эмомали Раҳмон баромад карда, оиди сатҳи коррупсия тӯли 10 сол дар сафи Вазорати корҳои дохилӣ, Вазорати нақлиёт, хадамоти додситонӣ ва прокуратура, дар иҷроиши маҳаллии ҳукумати кишвар, Вазоратҳои адлия, илму маъориф, дар Кумитаи Давлатии Амнияти Миллӣ, Кумитаи давлатӣ оиди заминсозӣ ва геодезӣ, Вазорати тандурустӣ ва ҳифзи иҷтимоии аҳолӣ, Кумитаи оид ба корҳои дин танзими ҷашну маросимҳои миллӣ, дар комиссариатҳои ҳарбӣ, шӯъбаҳои бонкӣ изҳори нигарони кард. Бо ин ӯ сатҳи баланди коррупсия дар сохторҳои давлатӣ бударо иқрор шуд.
Тибқи натиҷаҳои маърӯзаи ташкилоти Transparensy International, ки ба «индекси дарки коррупсия» такя намуда тадқиқот гузаронидааст ва бар асоси гузаронидани пурсиш аз соҳибкорон ва таҳлилгарон, ки бо ҷадвали 10 балл баҳогузорӣ шудааст. Дар ин ҷо 10 балл маънои онро дорад, ки коррупсия арзи вуҷуд надорад, 1 балл бошад маънои фурӯхта шудани ҳамаро мефаҳмонад. Индекси сатҳи коррупсия дар Тоҷикистон бо 1,8 балл баҳогузори карда шудааст.
Дар тадқиқоти мазкур 133 кишвари ҷаҳон иштирок варзиданд ва дар миёни онҳо Тоҷикистон аз охир 5-ум ҷойро ишғол намудааст. Аз ҳама вазъияти бад танҳо дар кишварҳои Мянма, Ҳоитӣ, Нигерия ва Бангладеш мебошад.
Ёдрас мекунем, ки тӯли ду соли ахир хадамоти зиддикоррупсиониро писари Раҳмон Рустами Эмомалӣ идора мекард ва айни замон бошад раиси шаҳри Душанберо бар ӯҳда дорад.
Мушоҳидон қайд мекунанд, ки баёноти зерини ВКД ин як кампанияи худнамоишкории навбати буда, дар натиҷаи он якчанд коррупсионерҳои дараҷаи поини аҳроми коррупсионӣ қурбони карда мешаванд ва бо ин амали худ, яъне мубориза алайҳи коррупсия, коррупсионерҳои дараҷаи боло дар таҳти роҳбарии Раҳмон дар навбати худ мехоҳанд мардумро фиреб намоянд.
