Дар Тоҷикистон ришро пас аз гирифтани иҷозатнома гузошта мешавад

Ба се нафар ҳунарпешаи театри мусиқавӣ-драмавӣ Конибодом ҳукуматдорони маҳаллӣ барои гузоштани риш иҷозатномаи муваққатӣ додаанд. Санади мазкур то он даме ки дар саҳна спектакли «Марги ришватхӯр» рафта истодааст, ба ҳунарпешагон барои гузоштани риш иҷозат медиҳад, дар ин хусус радиои Озодӣ такя ба деректори театри мазкур Ғайратҷон Қодиров санаи 13-уми октябр хабар додааст.

Санади мазкур пас аз он, ки ҳунарпешагон санаи 7-уми октябр аз тарафи кормандони милиса барои гузоштани риш дастгир шудаанд, дода шудааст. Дар ШКД-и шаҳри Конибодом ба дастгиршудагон маълум кардаанд, ки онҳо бояд аз қайди махсус гузаранд. Пас аз он ки маълум гардид ба ҳунарпешагон риш гузоштан барои нақши театр лозим аст, дарҳол раҳоӣ доданд ва барои бемалол бо риш сайру гашт намудан дар шаҳр ваъда додаанд, ки иҷозатнома медиҳанд.

Ёдрас мекунем, ки соли 2009 дар Тоҷикистон нормаи гузоштани риш ба муаллимон тартиб дода шудааст. Риш гузоштан барои муаллимони сину солашон аз 50 гузаштааст, иҷозат медиҳад ва дарозияш набояд аз 3 сантиметр баланд шавад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.