Эшони Сироҷиддин ба 5,5 соли зиндон маҳкум шуд

Эшони Сироҷиддин ба 5,5 соли зиндон маҳкум шуд

Имоми тоҷик Эшони Сироҷиддин ба панҷуним соли зиндон маҳкум шуд.  «Парвандаи мазкур дар Додгоҳи ноҳияи Исмоили Сомонӣ баррасӣ шуд.  Сироҷиддин Абдураҳмонов, маъруф бо лақаби Эшони Сироҷиддин, бо моддаи 307.3 қисми 2-и Кодекси ҷиноятии Ҷумҳурии Тоҷикистон — барои иштирок ва кӯмак дар фаъолияти ҷараёни мамнӯи динии «Салафия» гунаҳгор дониста шуд», — менависад Азия Плюс, бо истинод ба манбаъ дар системаи судии ш. Душанбе.

Ёдрас мекунем, ки аввали моҳи ноябри соли гузашта кормандони Кумитаи Давлатии Амнияти Миллӣ (КДАМ) Эшони Сироҷиддинро дар манзилаш дар маҳаллаи Зарафшони ш. Душанбе боздошт карданд ва ҳамроҳ бо ӯ шогирдонаш низ боздошт шудаанд.  Эшони Сироҷиддин қаблан ба 7 соли зиндон маҳкум шуда буд, соли 2013 тибқи қонуни авф ба озодӣ баромад.

Пас аз ба озодӣ баромадан дар соли 2013 ва то ҳабсшавӣ Сироҷиддин аз роҳи сиёсии режими Раҳмон ҳамаҷониба пуштибонӣ карда, ба мардум дар масоили мухталиф муроҷиат мекард.

Дар мусоҳиба бо таҳририяти «Хабарҳо» Домулло Шокирхон аз ш. Душанбе ин вазъро чунин шарҳ дод: «Албатта, аламовар аст, ки ӯро дубора маҳкум карданд, гарчанде ки вай режими зидди исломии Раҳмонро сахт дастгирӣ мекард.  Дар Тоҷикистон боздошти имом-хатибон кайҳо боз ба як чизи маъмулӣ табдил ёфтааст, танҳо дар се соли охир беш аз даҳҳо имом-хатибони масҷидҳо боздошт ва маҳкум карда шуданд, ки мақомот онҳоро ба ин вазифа таъин намуда буд ва барои мақсадҳои худ истифода бурд, яъне ин имомон дар мавъизаҳои худ сиёсати режими зидди исломиро сафед карда, мардумро ба фурӯтанӣ ва сабр даъват мекарданд».  «Чунин ҳолатҳо бояд барои дигарон намуна бошанд: новобаста аз он ки шумо чӣ қадар хизмат мекунед, як рӯз режим дер ё зуд аз шумо низ халос мешавад!», — гуфт домулло.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.