Исфара: 2 миллион сомонӣ барои сутуни парчам сарф мешавад
Дар шимоли Тоҷикистон, мақомоти маҳаллӣ аз буҷа 2 миллиону 230 ҳазор сомонӣ (тақрибан 200 ҳазор доллари ИМА) барои бунёди сутуни парчам бо фаввора масраф хоҳанд кард, менависад Азия Плюс. Капсулаи зери парчами 50-метраро дар Исфара раиси вилояти Суғд Раҷаббой Аҳмадзода ҳангоми сафари корӣ ба шаҳр гузоштааст.
Масоҳати майдон 0,65 гектарро ташкил хоҳад кард, ки арзиши лоиҳавии иншоот 2 миллиону 230 ҳазор сомониро ташкил медиҳад. Тибқи лоиҳа, ҳудуди майдон сафолпӯш карда шуда, дар ҳарду тараф фаввораҳо ҷойгир хоҳанд шуд. Баландии сутуни парчам 50 метр ва андозаи парчам 14 ба 7 метрро ташкил хоҳад кард.
Ин аллакай 30-юмин сутуни парчам дар кишвар аст. Онҳо тақрибан дар ҳама шаҳрҳои ҷумҳурӣ ва ҳатто дар деҳаҳои дурдаст низ мавҷуданд. Танҳо дар соли равон, 10 сутуни парчамҳои баландии гуногун аз 25 то 60 метр кушода шуд ва баландии сутуни парчами баландтарин дар шаҳри Душанбе буда, 165 метрро ташкил медиҳад, ки сохтмони он соли 2011 ба итмом расидааст ва барои бунёди он аз буҷа тақрибан 35 миллион сомонӣ сарф шудааст.
