Исфара: талаби истеъфои Раҳмон

Исфара: талаби истеъфои Раҳмон

Шаби 9-ум ба 10-уми январ, дар шимоли Тоҷикистон, дар  девори гузаргоҳи зеризаминӣ дар наздикии бозори марказии Исфара, шахсони номаълум бо талаби истеъфои президент Раҳмон шиор навиштаанд ва субҳи 10-уми январ, мақомот тамоми навиштаҷотро ранг кардаанд, хабар медиҳад портали иттилоотии «Бомдод».

Тибқи иттилои портал бо истинод ба манбаъи худ дар шаҳри Исфара, рӯзи якшанбеи 10-уми январ дар гузаргоҳи зеризаминии наздикии бозор кормандони полис ва амнияти давлатӣ нигарон буданд, ки аксбардорӣ аз ҷое, ки дар он шиорҳои зиддиҳукуматӣ навишта шуда буд, манъ мекарданд.

Ёдрас мекунем, ки тайи як ҳафтаи охир ин дуввумин мавриди шиорҳои шабеҳи истеъфои президент Эмомалӣ Раҳмон дар шаҳрҳои вилояти Суғд мебошад.  Ҳамин тавр, шаби 3-уми январ дар хиёбони Шарқ дар наздикии бозори Панҷшанбе, дар маркази Хуҷанд, шахсони номаълум дар девор ва пиёдагард шиорҳо навишта истеъфои Раҳмонро талаб карда буданд.

Нозирони маҳаллӣ қайд мекунанд, ки ин навиштаҷотҳо оид ба истеъфои Раҳмон мақомоти маҳаллиро ба ташвиш овард.  Ҷолиби диққат аст, ки шӯриши ба ном  «Баҳори араб», яъне  инқилобҳои маъмул бар зидди диктатураи арабӣ дар аввали солҳои 2010 дар бисёр кишварҳои арабӣ маҳз бо навиштаҷотҳои зиддиҳукуматӣ, ки ҷавонони маҳаллӣ дар ҷойҳои ҷамъиятӣ гузошта буданд, оғоз ёфта буд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.