Туркманистон: Фоидае, ки аз газ меояд ба куҷо меравад?

Туркманистон: Фоидае, ки аз газ меояд ба куҷо меравад?

Дар Туркманистон имсол ҳукумат аз фурӯши гази табиӣ ва маҳсулоти нафту кимиё ба хориҷа беш аз 4,13 миллиард доллар ба даст овардааст.  Дар ин бора рӯзи 23-ми декабр рӯзномаи электронии «Ussat news» хабар дод.

Дар доираи рушди соҳаи нафту гази Туркманистон, дар моҳҳои январ-ноябри соли равон ба маблағи беш аз 7,1 миллиард манат (тақрибан 2 миллиард доллар) сармоягузорӣ харҷ карда шуд.  Дар маҷмӯъ, 8,7 миллион тонна нафт ва конденсати газ тавлид шудааст.  Ғайр аз он, ҳаҷми истихроҷи гази табиӣ ба 62,3 миллиард метри мукааб расид.  Тақрибан 31 миллиард метри мукааб «сӯзишвории кабуд» содир карда шуд.

Аммо, бо вуҷуди ин, аксарияти аҳолии кишвар дар камбизоатии шадид зиндагӣ мекунанд, илова бар ин, аз норасоии доимии хӯрокворӣ ва маводи ниёзи аввалин ранҷ мекашанд. Масалан, рӯзи 21-уми декабр тақрибан 50 зан дар назди бинои ҳокимият дар шаҳри Мари (шаҳр дар ҷануби Туркманистон) намоиши эътирозӣ ташкил намуданд, хабар медиҳад радиои «Азатлык».  Занон рӯзи 21-уми декабр дар назди бинои маъмурӣ ҷамъ омаданд.  Онҳо мехостанд ба мақомоти маҳаллӣ дар бораи қатъ шудани таъминоти нону орд шикоят кунанд. Дар айни замон, дар мағозаҳои давлатии деҳот, сеяк қисми нон тақсим карда мешавад, ҳол он ки нони мазкур шаш моҳ қабл бояд тақсим мешуд. Сокинони маҳаллӣ бо мақсади хӯрондани фарзандони худ маҷбуранд, ки барои нон ба шаҳрҳои дигар сафар бикунанд.

Инчунин, эътирозгарон дар бораи мушкилоти таъмини оби нӯшокӣ хабардор намуданд.  Сокинони деҳоти бидуни об дар як моҳ аз ҳисоби худ ба систернаҳо об супориш медиҳанд, онҳое, ки қобилияти пардохти ҳаққи интиқолдиҳандагонро надоранд, бидуни об мемонанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.