Коронавирус дар Тоҷикистон: садҳо қурбониён
Дар сегменти тоҷикии шабакаҳои иҷтимоӣ навори видеоӣ нашр шудааст, ки дар он яке аз қабристонҳо дар ҷануби Тоҷикистон бо қабрҳои нав гӯр карда шуда бо селофан печида акс ёфтааст.
Сокине, ки навори видеоиро нашр кардааст, мегӯяд, ки дар ҳамаи ин қабрҳо қурбониёни коронавирус дафн карда шудаанд. Дар навори видео даҳҳо чунин қабрҳо сабт шудааст.
Ҳамзамон, тибқи маълумоти расмии Вазорати тандурустии Тоҷикистон, шоми 14-уми май дар давоми рӯзи охир дар кишвар 106 ҳолати нави сироятёбӣ бо коронавирус ва 6 ҳолати нави марги беморон аз ин вирус ошкор карда шуд. Ҳамагӣ, мувофиқи маълумоти расмӣ, то шоми 14-уми май дар Тоҷикистон, 907 ҳолати сирояти коронавирус ва 29 ҳолати марг аз ин вирус ба қайд гирифта шудааст.
Дар сомонаи https://kvtj.info/, ки мақомоти Тоҷикистон онро бастааст, аз 9-уми май то 14-уми май рӯйхати алтернативии қурбониёни коронавирус ва пневмония дар Тоҷикистон дар тӯли панҷ рӯз 211 нафарро ташкил дод.
