Туркманистон: минбаъд маҳсулотҳо бо кортҳо дода мешавад

Туркманистон: минбаъд маҳсулотҳо бо кортҳо дода мешавад

Тибқи иттилои Turkmen news, аз охири моҳи апрел, дар мағозаҳои давлатӣ дар шаҳри Балканабоди Туркманистон маҳсулотҳо ба таври қатъӣ бо кортҳо фурӯхта мешаванд. Нашрия чӣ гуна ин система кор мекунад нақл мекунад.

Соҳиби хона ё манзил бо шиноснома ва дафтари манзил, ки дар он ҷо номҳои аъзоёни оила сабт шудааст, ба хонаи идораи корҳои маҳаллӣ меравад. Корманди маҳаллӣ дурустии ҳуҷҷатҳоро тафтиш карда варақеро дар дохили дафтарча мегузорад, ки дар он маълумотҳои шахсӣ, суроға ва шумораи шахсони қайдшуда, инчунин рақами мағозае, ки ба оила таъин карда шудааст мегузорад.

Корти маҳсулот дар тӯли шаш моҳ эътибор дорад, пас аз адои мӯҳлати корт онро бояд нав кард. Ба як мағозаи давлатӣ аҳолии се-чор маҳаллаи Балканобод ба қайд дароварда шудааст.

Системаи кортӣ бо мақсади сарфкории маҳсулотҳои бо нархи давлатӣ фурӯхташаванда ҷорӣ карда шудааст. Вобаста аз шумораи аъзои оила, ки дар як хона зиндагӣ мекунанд, меъёри муайяни таъминоти маҳсулоти камёб ҷорӣ мешавад. Агар оила аз як то чор нафар бошад, пас меъёри умумии моҳонаи як оила аз ним кило биринҷ, орд, гӯшти мурғ ва ним литр равғани пахта иборат аст. Агар оила аз 4 то 8 нафар бошад, пас меъёри маҳсулотҳо як кило гузошта мешавад. Оилаҳое, ки 9 нафар ва бештар аз он мебошанд меъёри маҳсулот ба 1,5 килограм баробар мешавад, менависад нашрия. Ёдрас мекунем, ки норасоии маҳсулоти асосии ғизоӣ дар Туркманистон аз соли 2017 инҷониб эҳсос карда мешавад. Барои баромадан аз вазъияти мазкур, мақомот ҳангоми фурӯши мол дар мағозаҳои давлатӣ, аз маҳдуд кардани миқдори молҳо аз як тараф то фурӯши орд ба таври қатъӣ мувофиқи шиносномаҳо, чораҳои маҳдудкунанда андешида буд. Вале чи тавре ки мо мебинем, ҳамаи ин тадбирҳо натиҷаҳои мусбӣ наовард. Ҳамзамон, режим маблағҳои зиёдеро барои лоиҳаҳо ва чорабиниҳои гуногуни вақтхушӣ сарф мекунад, то ин ки симои худро нигоҳ дорад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.