Президент Раҳмон дар интихобот «ғалаба» кард
Дар Тоҷикистон рӯзи 11-уми октябр интихоботи навбатии президент шашумин маротиба пас таъсисёбии давлат баргузор шуд. Тибқи иттилои Комиссияи марказии интихобот, президенти кунунӣ, Эмомалӣ Раҳмон дар интихобот пирӯз шуд ва ба ин васила гӯё беш аз 90% интихобкунандагон ба ҷонибдории президенти амалкунанда овоз доданд, ки ин аз 10 миллион аҳолӣ тақрибан 4 миллионро ташкил медиҳад.
Ҳамзамон, ширкати телевизион ва радиои Олмон Deutsche Welle менависад: «Бо вуҷуди иштироки расмии чаҳор номзади дигар дар интихобот, касе ба пирӯзии навбатии Раҳмон (аллакай панҷумин маротиба) шубҳа накард.» DW қайд кард, ки «на Александр Лукашенко, балки пешвои Тоҷикистон аз ҳама роҳбарони пасошӯравӣ бо давомнокии ҳукмронияш дар сари қудрат боқӣ мемонад».
Муаллифони мақола дар Ал-Ҷазира таъкид кардаанд, ки бо назардошти мӯҳлати нав, Эмомалӣ Раҳмон акнун аз ҷиҳати давомнокии ҳукмронии худ ҳатто Нурсултон Назарбоевро пеш хоҳад кард.
Нашрияи дигар қайд мекунад, ки пирӯзии Раҳмон дар интихоботи навбатӣ интизор буд. «Далели пирӯзии пай дар пайи Эмомалӣ Раҳмон дар интихобот рӯзи 11-уми октябр ғайричашмдошт набуд», — менависад Коммерсант.
Фаъоли ҳуқуқи башар Стив Свердлов ба Diplomat гуфтааст, ки интихобот танҳо як расмият буд. «Бо дарназардошти он, ки интихобот дар Тоҷикистон танҳо як шакли расмӣ дошт, он ба хотири қонунигардонии будубоши президенти амалкунанда барои ҳафт соли дигар карда шудааст, бисёриҳо дар Аврупои Ғарбӣ ба ин интихобот аҳамият надоданд», — гуфт ӯ.
