Додситони кулли Тоҷикистон: Конибодом ва Исфара дар ҷои аввал

Додситони Кулли Тоҷикистон Юсуф Раҳмон зимни суханронӣ дар ҷаласаи гурӯҳи кории ҳукумати Тоҷикистон дар шаҳри Конибодом афзоиши шумораи ҷавонони Вилояти Суғдро, ки сафи дигарандешон ва ҷараёнҳои мухталифро, ки фаъолияташон дар кишвар манъ аст, пур мекунанд, қайд кард. Ҷаласа ба даъвати сокинони ҷавони минтақа ба сафи қувваҳои мусаллаҳи кишвар бахшида шуд. Дар ин бора дар сомонаи Расмии Додситони Кулли ҶТ хабар дода мешавад.
Ба гуфтаи Додситонии кулл, теъдоди ҷиноятҳои марбут ба фаъолиятҳои ба истилоҳ террористӣ ва ифротгароӣ дар шимоли кишвар 17,5% афзоиш ёфтааст.
«Дар ҷумҳурӣ бештари чунин ҳолатҳо дар шаҳрҳои Конибодом ва Исфара ба қайд гирифта шудааст», — таъкид кард Юсуф Раҳмон. Вай ҳамчунин ба масъалаи гирифтани таҳсилоти динӣ дар хориҷа дахл кард. «6 сокини шаҳри Исфара ва 2 сокини Конибодом феълан дар хориҷи кишвар таҳсилоти ғайриқонунии динӣ мегиранд», — гуфт додситони кулл.
Ҳамчунин, дар ин мулоқот масъалаҳои даъвати баҳории ҷавонон ба сафи Қувваҳои Мусаллаҳ ва тарбияи ҳарбӣ-ватандӯстии шаҳрвандон мавриди баррасӣ қарор гирифтанд, омадааст дар хабар.