Ташрифи Вазири мудофиаи Русия ба Тоҷикистон
Санаи 12 октябр дар шаҳри Душанбе маҷлиси вазирони мудофиаи Иттиҳоди Давлатҳои Муштарак баргузор гардид. Вазири мудофиаи Русия Сергеӣ Шойгу барои иштирок намудан дар маҷлиси сарварони хадамотҳои мудофиа ба Тоҷикистон ташриф овард, дар ин хусус хадамоти иттилоотӣ Вазорати мудофиаи ҶТ хабар дод. Дар рафти вохӯри вазирон вазъияти амният дар марзҳои ҷануби кишварҳои ИДМ дар шароити пуршиддати имрӯза дар Афғонистон ва Шарқи наздик мавриди баҳс қарор доданд.
Мушоҳидон қайд менамоянд, ки Русия бо баҳонаи гӯё аз Афғонистон таҳдид оянда, дар кишварҳои Осиёи Марказӣ мавқеъи худро устувор мегардонад. Дарҳақиқат, агар таҳдид вуҷуд медошт, аллакаӣ то ба имрӯз худро намоиш медод.
Ҷолиби диққат аст, ки дар маърӯзае гурӯҳи бӯҳрони байналхалқӣ санаи 9-уми октябри соли 2017 оиди вазъият дар марзҳои афғону-тоҷик чунин гуфта шудааст:
«Гарчанде, ки вазъият дар шимоли Афғонистон бадтар шуда истодааст, аксарият ҳодисаҳо дар қад-қади сарҳади Афғонистону Тоҷикистон рух медиҳад, эҳтимолан ин бо қочоқчигӣ вобаста аст, на бо кӯшиши ҳамла ба Тоҷикистон. Эҳтимолан, ДИИШ ҳанӯз дар сояи гурӯҳи «Толибон» мебошад, ки калонтарин ва пурқувваттарин гурӯҳ дар ин минтақа ба ҳисоб меравад ва сарваронаш аз ҳудудҳои Афғонистон берунро ҳадафи худ қарор надодааст. Зиёда аз он, мағзи ДИИШ дар ҳудуди шарқи вилоят дар назди Покистон ҷойгир шудааст». «Тоҷирон таи ду даҳсолаҳо инҷониб ҳаҷми калони маводи мухаддирро аз сарҳади Афғонистон мекашонанд ва бо ин даромади кормандони хадамоти амниятро таъмин мекунанд, ки дар навбати худ онҳо Раҳмон ва атрофиёни наздикашро дастгири менамоянд».
