Дар Қазоқистон тазоҳуротҳои зидди давлати авҷ мегиранд

Дар Қазоқистон тазоҳуротҳои зидди давлати авҷ мегиранд

Санаи 1-уми марти соли ҷорӣ даҳҳо сокини кишварро дар шаҳрҳои гуногуни Қазоқистон полис боздошт кард. Ҳамин тавр, ба гуфтаи яке аз ташаббускорони эътирози созмони «Оян, Қазоқистон» («Бедор шав, Қазоқистон»), танҳо дар шаҳри Алма-Ато тақрибан 30 нафар боздошт шудаанд.

Инчунин, тақрибан 30 нафар дар пойтахти кишвар дар назди бинои маъмурияти шаҳр боздошт шуда буданд, ки дар он ҷо ба хотири ёдбуди роҳбари мухолифин Дулат Агадил, ки чанд рӯз пеш дар боздоштгоҳи муваққатӣ даргузашт, намоиши эътирози баргузор шуд, хабар медиҳад Интерфакс. Дар шаҳри Шимкент даҳҳо нафар эътирозгароне, ки бо шиорҳои «Шал, кет!» («Пирамард, ба истеъфо бирав!») садо баланд мекарданд дастгир шуданд, хабар медиҳад «Азаттик».

Ҳокимиятҳо дар шаҳри Алма-Ато ва Нур-Султон баста карда шуданд, ҳаракати мошинҳо дар маркази шаҳр маҳдуд шудааст, алоқаи телефонӣ ва интернет қатъ карда шудааст.

Ёдрас мекунем, ки дар ҷараёни тазоҳуроти рӯзи 22 феврал тақрибан 100 нафар боздошт шуда буданд, ки онҳо шиъорҳои «Шал, кет!» («Пирамард, ба истеъфо бирав»), «Оян, Қазоқистон» («Бедор шав, Қазоқистон»), «Бигзор Назарбоев биравад! Бигзор Дарига биравад!»-ро бо овози баланд изҳор мекарданд.

Рӯзи 25 феврал, пас аз хабари марги фаъол Дулат Агадил, тибқи тахминҳои мухталифи шоҳидон, тақрибан 300 нафар боздошт шудаанд.

Дулат шаби 24 феврал аз манзилаш рост ба боздоштгоҳи Нур-Султон бурда шуд ва дар он ҷо даргузашт, шумораи эътирозгарон афзоиш ёфт. Тибқи иттилои расмӣ сабаби марги фаъол ин беморӣ шадиди қалб будааст. Сардори Гурӯҳи арзёбии хатарҳо, сиёсатшинос Досим Сатпаев дар Инстаграм менависад: “Ӯро шабона аз хона берун карданд, чи тавре ки дар давраи Сталин НКВД карданро дӯст медошт. «Тибқи иттилои расмӣ сабаби марги фаъол ин беморӣ шадиди қалб будааст». Бигзор чунин бошаду на натиҷаи лату кӯб, пас марги ӯ дар ҳар сурат бар виҷдони мақомот мемонад, зеро касалии дил метавонад дар вақти боздошт сар зада бошад…

 

 

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.