Ҳукми навбатӣ барои иштирок дар ҷунбиши Исломӣ
Сокини шимоли кишварро бо айби иштирок дар ҷунбиши Исломӣ «Ҷамоати ансоруллоҳ» 14 сол аз озодӣ маҳрум намуданд. Дар ин хусус ОИ «Азия-плюс» такя ба раисикунандаи додгоҳи шаҳри Хуҷанд Мавҷуда Шарифзода хабар медиҳад.
Тибқи қарори ҷониби айбдоркунанда, сокини 21-солаи шаҳри Исфара Сафрониддин Шомуродов бо панҷ моддаи Кодекси ҷиноии ҶТ айбдор дониста шудааст. «Бо воситаи интернет ӯ аз Салоҳиддин таълими динӣ гирифта бо тариқи «WhatsApp» се сокини ҷамоати Ворухи шаҳри Исфараро ба аъзошавии дар «Ҷамоати ансоруллоҳ» даъват намудааст, то ин ки дар оянда ба сафи гурӯҳҳои мусаллаҳи ғайриқонунӣ шомил шуда, дар минтақаи Сурия набард кунанд», қайд намуд Мавҷуда Шарифзода.
Мӯҳлати ҷазоро маҳкумшуда дар колонияи низомаш сахт адо менамояд.
Ёдрас мекунем, ки бофташудани айбҳо гӯё бо терроризм ва экстремизми Исломӣ дар Тоҷикистон солҳои охир афзоиш ёфта истодааст. Прокурори вилояти Суғд Ҳабибулло Воҳидов дар конфронси матбуотӣ хабар додааст, ки дар ҷамбасти нимсолаи соли 2017 дар шимоли кишвар 230 парвандаи ҷиноӣ қайд шудааст, ки алоқадории бо ин ё он ҷунбишҳои исломӣ вобаста мебошад.
