Ҳукумати Тоҷикистон қасдан шумораи сироятёфтагони covid-19 ро паст мекунад

Ҳукумати Тоҷикистон қасдан шумораи сироятёфтагони covid-19 ро паст мекунад

Президенти Радиои Аврупои Озод/Радиои Озодӣ Ҷейми Флай ба хабарнигорон гуфт, ки хадамоти радиои Озодӣ дар баробари нобоварӣ ба омори расмӣ рӯйхати мустақили қурбониёни COVID-19 -ро дар кишварашон таҳия мекунад.

Мақомоти Тоҷикистон тақрибан як моҳ тавсияҳои Созмони Ҷаҳонии Тандурустиро нодида гирифта, мавҷудияти коронавирусро рад карданд. Вазорати тандурустӣ танҳо 30-юми апрел хабар дод, ки коронавируси нав ба 15 нафар сироят кардааст.

Ба қавли ӯ, Бахши тоҷикии Радиои Озодӣ омори расмии қурбониёни бемории ҳамагирро таҳқиқ мекунад. «Мақомот аз 30-юми апрел то 15-уми май дар бораи марги 33 нафар хабар доданд, дар ҳоле ки дар ин муддат танҳо дар оромгоҳҳои Душанбе панҷоҳ қабри нав пайдо шуда буд», — гуфт президенти медиаташкилот.

Ба гуфтаи Ҷейми Флай, пас аз нашри Радиои Озодӣ, мақомоти ҷумҳурӣ дастрасии хабарнигорон ва ба навор гирифтанро дар ҷойҳои дафн манъ карданд.  Вазорати корҳои хориҷии Тоҷикистон додани 8 аккредитатсияро ба хабарнигорони Радиои Озодӣ ба таъхир гузошт ва онҳо дигар ба кори худ идома дода наметавонанд.

Ғайр аз ин, Ҷейми Флай қайд кард, ки шабу рӯз саҳифаҳои таблиғгари рӯ ба ҳукумат бо нашри аксҳои сохта ва суханҳои тавҳиномез дар Фейсбук ба кормандони Бахши тоҷикии Радиои Озодӣ ҳамла мекунанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.