Қирғизистон: хонандагони ҳиҷобпӯшро ба таҳсилгоҳ роҳ надоданд

Қирғизистон: хонандагони ҳиҷобпӯшро ба таҳсилгоҳ роҳ надоданд

Дар деҳоти Жани-Пахтаи ноҳияи Сокулукскӣ вилояти Чуйскиӣ Қирғизистон хонандагони ҳиҷобпӯшро ба мактаб роҳ надоданд, дар ин хусус AKIpress ба бародари яке аз хонандагони мактаби мазкур такя намуда иттило медиҳад.

Ташаббуси мазкури маъмурияти мактабро дар Вазорати маориф низ дастгирӣ намуданд. «Аз ҷониби ҳукумат барои либоси мактабӣ тавсияҳо муқаррар намуда шудааст аз ҷумла, боло сафед ва поён сиёҳ. Тибқи қонуни «Дар бораи маориф» дар таҳсилотгоҳҳо таълимоти хусусияти дунявӣ муқаррар карда шудааст», — иттило доданд дар хадамот. «Бо духтарҳои ҳиҷобпӯш маъмурияти макотиб корҳои тавзеҳӣ мебарад», — илова намуданд дар вазорат.

Хабарнигори Хабарҳо барои шарҳи мавзӯ ба хабарнигор аз Қирғизистон Перизат Қирғизбоева муроҷиат намуд:

              

«Муаммо дар пӯшидани ҳиҷоб аз тарафи хонандагон ва ё омӯзгорон нест. Барои кишварҳое, ки 90%-и аҳолиро мусулмонҳо ташкил мекунанд ин табиист. Муаммо дар онҳое мебошад, ки ҳиҷобпӯшидагонро бо баҳонаи давлати дунявӣ ба таҳсилотгоҳҳо роҳ намедиҳанд. Аксарияти онҳо дар нигоҳи коммунистӣ дармондаанд ва намефаҳманд ё ин ки намехоҳанд фаҳмидан, ки дунявӣ чисту демократия чист. Аз ин ҳам қабеҳтар ин аст, ки чунин инсонҳо нигоҳҳои зиддиисломии худро бо дунявият рӯпӯш карда онро ҳамчун мубориза алайҳи Ислом ва қадриятҳои он истифода мебаранд, ақидаҳо ва тарҷеҳи худро ҳамчун қонун намоиш дода, қонунҳои худро вайрон мекунанд. Ҳолатҳое буданд, ки духтарони сатрпӯш аз мактаб ронда шуда, дар таги борон мондаанд. Дар назди синф ва мактаб ба номуси онҳо дахолат мекарданд. Оё ин аз рӯи қоидаҳои таълимист ва ин қонунӣ бошад? Агар ба давлатҳое, ки системаашон бар дунявӣ бунёд шудааст назар афканем, мебинем, ки пӯшидани ҳиҷоб дар мактабҳо ва ё дар донишгоҳҳо барои онҳо муаммо нест, муамморо худи ҳокимҳои мо ташкил мекунанд. Бинобар ин, фикр мекунам имрӯз волидайни духтарон ва омӯзгорони ҳиҷобпӯш бояд худашон ҳимоя намудани ҳуқуқҳои шаръии худро ёд бигиранд, то ин ки вазифаҳои дар назди Аллоҳ бударо баҷо оранд ва дар он устувор бошанд».

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.