• Home »
  • Habarho »
  • Чин боз як кони навбатиро дар Тоҷикистон ба даст овард

Чин боз як кони навбатиро дар Тоҷикистон ба даст овард

Раҳмон дар рафти сафари кории худ ба ноҳияи Айнии вилояти Суғд санги аввалини навбатиро ба пойдевори сохтмони бузургтарин ширкати тиллоковӣ «Талко Голд», ки 50% — и он ба Чиниҳо мутааллиқ аст гузошт.

Тибқи маълумоти пешакӣ ҳаҷми истеҳсоли тилло дар аввали соли 2020 дар ширкати мазкур 1,5 тонна ва истеҳсоли сурма 16 тоннаро ташкил хоҳад кард.

«Пас аз ба кор дароварда шудани ширкати мазкур Тоҷикистон бо истихроҷ ва истеҳсоли сурма дар ҷаҳон пас аз Чин ва Русия ҷои 3-юмро ишғол менамояд. Чи тавре ки дар иттилои хадамоти матбуотӣ гуфта шудааст ҳаҷми умумии захираҳои сурмаи саноатӣ ва ғайрисаноатӣ 265 ҳазор тонна ва тилло 50 тоннаро ташкил мекунад».

Иқтисодчиён қайд мекунанд, ки Тоҷикистон бо канданиҳои фоиданок хеле бой аст, вале зиёда аз 50% — и захираҳои кандашударо ширкатҳои хориҷӣ соҳибӣ мекунанд, ки аксарияти онҳо ширкатҳои Чинӣ мебошанд.