Мақомоти Туркманистон танқидкунандагони режимро таъқиб мекунад

Мақомоти Туркманистон танқидкунандагони режимро таъқиб мекунад

Мақомоти ҳифзи ҳуқуқи Туркманистон  сокини Ашхободро, ки ба Маркази ҳуқуқи инсони Мемориал оиди фасод, сӯиистифода ва шиканҷакуниҳои дар зиндонҳои Туркманистон вуҷуд дошта муфассал нақл кардааст, фаъолона ҷустуҷӯ мекунанд.  Мемориал ин маълумотро моҳи декабри соли 2020 ва моҳи феврали соли 2021 дар сомонаи худ нашр кард, ҳоло мақолаи сеюм барои чопкунӣ омода мешавад.

Ба гуфтаи ин зан, рӯзи 24-уми феврал се нафар хешовандонаш ба идораи полис даъват шуда, дар бораи у ва шавҳараш бозпурсӣ шудаанд.  Гуфта мешавад, ки маъмури полис талаб кардааст: «Ӯро ором кунед, бигзор хомӯш шавад. Агар номи афсарони вазорати умури дохиларо дар ҷои дигаре зикр кунад, боқимондаи умрашро дар зиндон хоҳад гузаронд». Ба гуфтаи намояндаи ВКД Туркманистон, маводи бофташудаи парвандаи ҷиноӣ омодаанд, ки маҳбуси собиқро дастгир намоянд ва дар қочоқи маводи мухаддир ва ҷиноятҳои дигар муттаҳам бикунанд.  «Бигзор вай умед накунад, ҳомиёни ҳуқуқ ба ӯ кумак карда наметавонанд», — гуфтанд нерӯҳои амниятӣ тавассути пайвандонаш ба ӯ.

«Мемориал» гумон мекунад, ки мақомоти Туркманистон дар бораи даст доштани ин зан дар ҷиноятҳои бофташуда ба Русия дархост бифиристанд, зеро ҳафтаи гузашта мақомоти полис ва ФСБ шиносҳои зани мазкурро дар Москва даъват карда, робитаҳо ва макони будубоши ӯро пурсиш карданд.

Фаъолони ҳуқуқи башар қайд мекунанд, ки мақомоти Туркманистон кӯшиш доранд, ки фошкуниҳои навбатиро пешгирӣ кунанд, Вазорати корҳои дохилии Туркманистон дар ин кор махсусан фаоланд. Зеро мансабдорони баландпояи ин мақомот дар бадрафторӣ, ки ровӣ дар ҷойҳои ҳабс тасвир кардааст, даст доранд.

Инчунин бояд қайд кард, ки дар тамоми минтақа маҳз ҳамон нақшаи тарсонидани мухолифин бо баъзе фарқиятҳо амалӣ мешаванд. Масалан, дар Тоҷикистон кормандони мақомоти ҳифзи ҳуқуқ низ пайваста ба хешовандон ва дӯстони фаъолони тоҷик, ки аз хориҷи кишвар режими Раҳмонро танқид мекунанд, ташриф меоранд. Тавре маъмул аст кормандони амнияти Тоҷикистон хешовандони мухолифинро бо оқибатҳои мухталиф таҳдид мекунанд ва ё онҳоро барои бозпурсӣ даъват мекунанд ва дар он ҷо фишори равонӣ мекунанд.

Ёдовар мешавем, ки Туркманистон яке аз кишварҳои пӯшидатарин дар Осиёи Марказӣ мебошад, аз ҷумла дар соҳаи иттилоот, ВАО ва шабакаҳои телевизион ва радио ҳар рӯз дар бораи муваффақиятҳои калони гӯё бадастомадаи режим сӯҳбат мекунанд, ки дар воқеъ вуҷуд надоранд ва парастиши шахсияти Бердимуҳамедовро таблиғ мекунанд.  Танҳо чанд расонаи мустақил бо манбаъҳои иттилоотии худ дар бораи вазъи воқеии кишвар гузориш медиҳанд ва мақолаҳои танқиди ҳукумати Туркманистонро нашр мекунанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.