Тоҷикистон дар қатори 20 кишвари болорафтаи нархҳо дохил шуд

Тоҷикистон дар қатори 20 кишвари болорафтаи нархҳо дохил шуд

Тоҷикистон ба рӯйхати 20 кишваре, ки нисбат ба даромади миёна хароҷоти баландтарини ғизоӣ доранд дохил шуд.  Барои хӯроки нисфирӯзии оддӣ ва ё хӯроки шом ба ҳисоби миёна тақрибан 13 фоизи даромади ҳаррӯзаи худро бояд сарф бикунед.

Дар гузориши Барномаи Умумиҷаҳонии Озуқаворӣ (WFP) якчанд сабаб оварда шудааст, ки яке аз онҳо бӯҳрони иқтисодӣ ва пандемияи ҷаҳонӣ мебошад.

Барои муқоиса, дар Судони Ҷанубӣ, ки аз ҷиҳати даромади аҳолӣ арзиши ғизо дар байни 20 кишвари ҷаҳон ҷойи аввалро гирифтааст, як сокини ин кишвар бояд ба ҳисоби миёна тақрибан ду рӯз кор бикунад, то як табақ ғизои оддитаринро ба монанди биринҷ бо лӯбиё дастрас намояд.

Дар Ню Йорк, ки яке аз шаҳрҳои пешрафти ҷаҳон аст, як табақ ғизои арзон ба ҳисоби миёна 0,6 фоизи даромади ҳаррӯзаи шахсро ташкил мекунад.

Болоравии нархи маводи ғизоӣ дар Тоҷикистон дар давоми моҳҳои охир якчанд маротиба ба амал омадааст, мардум оқибатҳои болоравии нархи молҳо ва хидматҳоро бештар ҳис мекунанд.

Аз ин рӯ, мақомоти кишвари Тоҷикистон аз тарси бадтар шудани вазъ ва афзоиши норизоии мардум роҳи ҳалли ин мушкилотро ҷустуҷӯ мекунанд: яке аз қадамҳои асосии мақомот муроҷиат ба мақомоти Русия бо дархости барқарор кардани робитаҳои ҳавоӣ ва роҳи оҳан байни ду кишвар мебошад, то тоҷикон ба муҳоҷирати меҳнатӣ рафта пул кор бикунанд. Бо вуҷуди ин, ҷониби Русия бо вуҷуди камбудии қувваи корӣ дар кишвари худ, ҳанӯз барои барқарор кардани парвозҳо бо Тоҷикистон шитоб намекунад.

Баъзе аз нозирон изҳори ақида мекунанд, ки эҳтимол аз вазъи душвори иқтисодии Тоҷикистон истифода бурда, Кремл нақша дорад муҳоҷирони меҳнатиро ҳамчун фишанг барои фишор овардан ба Тоҷикистон истифода барад, то Тоҷикистон ба ИИАО пайваст шавад, дар ҳоле ки режими Раҳмон аз пайваст шудан ба иттиҳоди мазкур муддати  дароз худдорӣ мекунад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.