Аз кӯдакон ситонида мешавад: қарзи Тоҷикистон ба 40% аз ММД расидааст
Қарзи хориҷии Тоҷикистон то моҳи сентябри соли 2020 қариб ба 40% аз ММД расидааст, дар ҳоле, ки дар охири соли 2019 ин нишондод 36,6% аз ММД ташкил мекард. Танҳо дар нӯҳ моҳи соли равон, кишвар 369,5 миллион доллар қарз ҷалб кардааст. Дар ин бора дар гузориши Бонки Ҷаҳонӣ дар бораи Тоҷикистон «Коҳиши иқтисод дар шароити пандемия» гуфта мешавад.
«Азбаски Тоҷикистон ба хавфи баланди дефолти қарзӣ дучор омадааст, ҳама гуна қарзгирии нави беимтиёз қарзи давлатиро боз ҳам устувортар мекунад», — гуфта мешавад дар санад.
Тибқи гузориши Бонки Ҷаҳонӣ, Тоҷикистон ба гурӯҳи кишварҳое шомил шудааст, ки чанде қабл барои баҳрабардорандаи ташаббуси кишварҳои G20 дар бораи боздоштани хидмати қарз муроҷиат кардаанд, яъне бинобар бӯҳрони иқтисодӣ, ҳукумати Тоҷикистон аз муассисаҳои молиявӣ хоҳиш мекунад, ки пардохтҳоро ях бикунанд ва бо ин пардохти қарзҳоро ба дӯши насли оянда вогузоранд.
Қарзҳои хориҷии мақомоти Тоҷикистон боиси интиқоди зиёд дар байни коршиносон ва аҳолии кишвар мешаванд: аз як сӯ, амалиётҳои рибо аз рӯи дини мубини Ислом гуноҳи азим ҳисобида мешавад, ки дар кишвар мардум ба он риоя мекунад ва илова бар ин, қарзҳо яке аз воситаи маъмултарини ҳукмронии мустамликавӣ аз ҷониби давлатҳои абарқудрат ба ҳисоб меравад. Ёдрас мекунем, ки дар соли 2011 режими Раҳмон аллакай ба Чин 1% қаламрави Тоҷикистон — беш аз 1000 метри мураббаъ замини Помири Шарқиро интиқол намуд. Қисми дигари қаламрав низ моҳи октябри соли 2020 интиқол дода шуд ва интиқоли конҳои тиллоӣ барои коркард намудан алакай ба як чизи маъмулӣ табдил ёфтааст — тақрибан ҳамаи ширкатҳое, ки сарватҳои зеризаминии Тоҷикистонро азхуд мекунанд, ширкатҳои чинӣ мебошанд.
