Хокими Андиҷон як базми бошукӯҳро ташкил намуд
Тибқи иттилои радиои Озодлик, 16-уми август, ҳокими вилояти Андиҷони Ӯзбекистон Шӯҳрат Абдураҳмонов ба муносибати 19-солагии духтари хурдияш як базми бадахлоқона ва боҳашаматро ташкил намуд. Инчунин навори видеоии мувофиқ аз макони ҷашн низ дар шабакаҳои иҷтимоӣ нашр шуд. Дар маросиме, ки нимаи дуюми рӯз дар назди ҳавз дар саҳни ҳавлии хонаи шахсии раиси вилояти Андиҷон оғоз ёфт ва то бегоҳ идома ёфт, шумораи меҳмонон аз 30 нафар зиёд иштирок доштанд, овозхон Муниса Ризаева ва дигар ҳунармандон, ки махсус аз Тошканд даъват шудаанд, барои меҳмонон баромад карданд. Мувофиқи навори видеоие, ки дар шабакаҳои иҷтимоӣ нашр шудааст, дар анҷоми зиёфат, мансабдор ба духтараш нақлиёти нави тамғаи Ravon Gentra, ки бо арзиши 138 миллион сӯм (13,500 доллари амрикоӣ) дар салонҳои «Узавтосаноат» нархгузорӣ шудааст, тӯҳфа намуд.
Тибқи маълумоти Вазорати молия барои соли 2019, дар Ӯзбекистон маоши як вакили халқ ва сенатор 1 миллиону 560 ҳазору 413 сӯм (тақрибан $ 150) ва маоши ҳокими вилоят бошад 1 миллиону 899 ҳазору 783 сӯмро (тақрибан 190 доллар) ташкил мекунад. Нашршавии навори видеоӣ аз базмгоҳ дар байни сокинони Андиҷон эҳсоси хашму ғазабро ба бор овард. Ёдрас мекунем, ки ин аввалин ҳодисаи нашри сабтҳои навори видеоӣ, ки мансабдорони воломақомро бадном мекунанд, нест ва ин сабтҳо, чун қоида, аз ҷониби намояндагони гӯён «Ҷавонони тилоии» Ӯзбекистон, яъне фарзандони воломақом нашр карда мешаванд. Ёдрас мекунем, ки дар соли 2019 наворҳои видеоии зиёфате, ки дар он овозхони маъруфи рус Полина Гагарина ва духтари президент Мирзиёев ширкат варзидаанд, дар шабакаҳои иҷтимоӣ паҳн гардида буд.
