Русия: боздошти муҳоҷирони меҳнатӣ идома дорад

Русия: боздошти муҳоҷирони меҳнатӣ идома дорад

Дар Русия боздошти муҳоҷирони меҳнатӣ аз Осиёи Миёна бо иттиҳоми гӯён “Терроризм”, маблағгузорӣ ва ҷалбкунӣ ба сафи гурӯҳҳои мамнӯъ  идома дорад.

Тибқи иттилои портали хабарии «Новая Версия», додгоҳи низомии Русия зодаи 26-солаи шаҳри Кӯлоб Ҳафизов Фируз Сафаровичро ба 7 соли зиндон маҳкум кард. Тибқи изҳороти расмии  раёсати ФСБ дар вилояти Саратов, Ҳафизов ба ҷалби навкорон тавассути Интернет айбдор мешавад. «Факти ҷалби як сокини шаҳри Саратов барои вуруди минбаъдаи ӯ ба созмони байналмилалии террористии Ҳаракати Толибон ба қайд гирифта шуд», — хабар медиҳад хадамоти матбуоти ФСБ.

Инчунин, хадамоти матбуотии ФСБ-и Русия навори видеоӣ бо боздошти як гурӯҳи муҳоҷирони меҳнатӣ аз Осиёи Марказиро дар Нижний Новгород нашр кард. Тибқи иттилои намояндагони ФСБ ҳамаи боздоштшудагон шаҳрвандони Тоҷикистон мебошанд. Ба гуфтаи муфаттишон,  «пешво»-и гурӯҳ борҳо тавассути пардохтҳои электронӣ ба баъзе «террористон дар Афғонистон» маблағ интиқол кардааст ва онҳо дар навбати худ, маблағро барои фаъолиятҳои террористии худ сарф мекарданд.

Дар навори видеоие, ки маркази матбуоти ФСБ нашр кардааст, зоҳиран боздоштшуда шаҳрванди Тоҷикистон ва номаш Ислом муаррифӣ карда мешавад, ки соли таваллудаш 1997 ё 1998 мебошад. Дар навори видео дида мешавад, ки боздоштшуда тамоми айбҳои дар терроризм ва маблағгузории ДИИШ ки ба ӯ нисбат дода шудааст комилан рад мекунад. Айни замон, Ислом дар боздоштгоҳи муваққатӣ қарор дорад, нисбати ӯ тибқи моддаи «Мусоидат ба фаъолияти террористӣ» (моддаи 205.1 Кодекси ҷиноятии Федератсияи Русия) парвандаи ҷиноӣ боз шудааст ва ӯро то 15 соли маҳрумият аз озодӣ интизор аст.

Ёдрас мекунем, ки чанде пеш, ҳамин гуна боздоштҳои муҳоҷирон аз Осиёи Миёна дар чанд минтақаи Русия бо гумони гӯён «терроризм» сурат гирифта буд, ФСБ-и Русия чанд навори видеоии амалиётҳои махсуси гузаронидаро нашр кард; дар шаҳри Москва ба гуфтаи хадамоти махсус, як ҷавони 19-солаи тоҷик ҳангоми кӯшиши муқовимат нишон додан кушта шудааст.

Қобили зикр аст, ки агар қаблан коршиносон ва сиёсатшиносон дар бораи бофта шудани чунин парвандаҳои ҷиноӣ алайҳи муҳоҷирони меҳнатӣ дар аксари ҳолатҳо ҳарф мезаданд, имрӯз бошад аксарияти мардуми рус аз ҳақиқати ҳодиса огоҳанд, ки инро шарҳҳои шабакаҳои иҷтимоӣ ва сомонаҳои хабарӣ дар зери чунин нашрияҳо гузошта шудаанд, намоиш медиҳанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.