Собиқ ситораи эстрадаи ӯзбек исломро таблиғ мекунад
Ҷаҳонгир Отаҷонов, сарояндаи маъруфи эстрадаи Ӯзбекистон, ки ахиран бинобар номутобиқатии шоу-бизнес бо арзишҳои исломӣ фаъолияташро тарк кардааст, дар стрими навбатии худ дар бораи демократия ҳарф зад.
Дар шабакаҳои иҷтимоӣ видео навор бо иштироки Отаҷонов пайдо шуд, ки дар он овозхони собиқ ба саволи Асад Отабоев дар бораи демократия посух медиҳад. “Асад Отабоев, фаромӯш накунед, ки мусулмон демократ шуда наметавонад. Агар ӯ гӯяд: «Ман мусулмон ва демократ ҳастам», пас ӯ бояд арзишҳои демократиро риоя кунад, ки ин маънои онро дорад, ки ӯ бояд бо фикрҳои ғайриисломӣ розӣ шавад. Шумо «демократия» мегӯед хуб, ҳамчун як мусулмон чи гуна шумо инро гуфта метавонед? Агар шумо демократияро хоҳед, он ба монанди Туркия хоҳад буд, ки дар онҷо ҳама чиз, аз ҷумла муносибатҳои ҳамҷинсҳо иҷозат дода шудааст, касе ба ин халал намерасонад, ин барои мо кори ғайримақбул мебошад. Ин аст демократия, оё шумо инро мехоҳед? Агар шумо ҷонибдори демократия бошед, пас шояд писари шумо дар оянда бо ягон намояндаи ЛГБТ дар чойхона ошхӯрӣ мекунад. Ман ҷонибдори ин нестам, агар шумо хоҳед, ки давлати демократӣ барпо кунед, пас ман ба ин алоқа надорам, зеро барои ҳамаи ин шумо дар назди Аллоҳ ҷавоб хоҳед дод.
Навори видеоӣ дар шабакаҳои иҷтимоӣ вокуниши васеъро пайдо кард ва аксари корбарони на танҳо ӯзбек, балки тамоми сегменти шабакаҳои иҷтимоии Осиёи Миёна аз Ҷахонгир пуштибонӣ карданд ва бо ӯ розӣ шуданд.
Ёдрас мекунем, ки Отаҷонов аз ягона шахсияте дар шоу-бизнеси Ӯзбекистон нестанд, ки бо риоя кардани Ислом касбашонро тарк кардаанд ва ҳоло бархе аз онҳо ба корҳои таблиғоти шурӯъ карданд ва ба риояи ислом ва арзишҳои исломӣ мардумро даъват мекунанд.
