Қотили духтараки тоҷик кӯшиш дорад аз ҷавобгарӣ раҳоӣ ёбад
Қотили Ҳувайдо духтараки тоҷик бо ҳар гуна роҳ кӯшиш дорад аз ҷавобгарӣ раҳоӣ ёбад. Ҳимоятгари судшаванда Александр Сёмин, Елена Самохина дар ҷараёни суди охир аз судкунанда хоҳиш намуд, ки падари духтараки кушташударо бо баҳонаи он ки гӯё ӯ падари биологии духтарак нест ва аз ин лиҳоз ӯро ба суд роҳ надиҳанд. Дар ин хусус ба Азия-Плюс хабар дод падари Ҳувайдои кушташуда Абдусалом Саидов.
Айнан чунин ақидаро ҳимоятгари ҷабрдида низ Дагир Хасавов дастгири менамояд.
«Фикр мекунам, ки эҳтимол ин бозии холаи айбдоршаванда аст ва аз номукаллафии ӯ шубҳа мекунам. Ҳоло ман маълумоти дақиқ дар ихтиёр дорам, ки Сёмин сиҳат аст ва иштиҳои хуб дорад. Бо мурури замон ба сайругашт мебарояд ва илова бар ин давлат кӯшиш дорад ӯро табобат намояд», — иброз намуд Хасавов.
Ёдрас мекунем, ки Ҳувайдои 5 сола санаи 22-уми июли соли 2018 дар Серпухови вилояти Маскав дар наздикии манзили истиқоматии оилааш рабуда шуда буд. Ҷасади маслуқшудаи Ҳувайдо санаи 23-уми июли соли 2018 дар наздикии роҳи оҳани завод ёфт гардида буд. Ташхиси тиббӣ нишон дод, ки аввал духтарак таҷовуз шудааст, сипас кушта шудааст. Бо гумони содир намудани ҷиноят сокини маҳаллии 28 сола Александр Сёмин дар ҳамсоягӣ истиқоматкунанда дастгир шуд.
