Жириновский мехоҳад муҳоҷиронро ба Сибир фиристад
Вакили парлумони Русия Владимир Жириновский муҳоҷирони меҳнатиро аз Осиёи Марказӣ бо хушнудӣ ба Шарқи Дур, Шимоли Дур ва Сибир мефиристад. Видео навори мазкур дар шабакаи YouTube — и ЛДПР ТВ нашр шудааст.
“Тариқи беҳтарин ин бидуни муҳоҷирон зистан аст. Аммо агар онҳо мавҷуд бошанд, пас онҳоро дар Шимоли Дур, Шарқи Дур ва Сибир дар сохтмони иншоот, корхонаҳо ва роҳҳо истифода бурда шавад”, мегӯяд ӯ. Вай инчунин таъкид кард, ки русҳо ба Сибир, ки дар он ҷо инсони зинда нест ва ҳоҷатхона дар кӯча аст, кор ва зиндагӣ нахоҳанд кард.
Ёдрас мекунем, ки ин бори аввал нест, ки Жириновский алайҳи муҳоҷирони меҳнатӣ аз Осиёи Марказӣ изҳороти таҳқиромез мекунад. Қаблан, моҳи марти соли ҷорӣ Жириновский пешниҳод карда буд, ки ҳамаи муҳоҷирон ба деҳаҳои партофташудаи ФР кӯчонида шаванд. «Ҳатто бо оилаашон ба онҷо бираванд. Мо ба онҳо дар деҳаҳои холии Русия манзил медиҳем, бигзор онҳо дар он ҷо зиндагӣ кунанд. Онҳо деҳқонони хубанд. Масалан, қазоқҳо ва қирғизҳо мардуми кӯчманчӣ ҳастанд … тоҷикону ӯзбекон бошанд деҳқон ҳастанд», — гуфта буд Жириновский.
