Тоҷикистон: ҷои аввал дар воридоти маводи ғизоӣ
Бар асоси гузориши оҷонсии рейтингии амрикоии Standard & Poor’s (S&P), воридоти маводи ғизоӣ дар Тоҷикистон ба 3,5 дарсади ММД наздик шуд, ки ин баландтарин нишондод дар ҷаҳон шудааст.
Оҷонсӣ дар гузориши нави худ таъкид кардааст, ки болоравии қимати ҷаҳонӣ барои бозорҳои дар ҳоли рушд, аз ҷумла дар Тоҷикистон ва Ӯзбекистон хатарҳоро афзоиш медиҳад.
Дар гузориши S&P таъкид шудааст, ки кишварҳои дорои даромади паст ва миёна дар Осиёи Марказӣ, Ховари Миёна, Африқо ва Қафқоз бештар аз нооромиҳо дар бозори ғизо осеб мебинанд.
Ӯзбекистон ва Тоҷикистон аз воридоти маводи ғизоӣ вобастагии зиёд доранд ва маъмулан бештари гандумро аз Қазоқистон мехаранд, ки дар он ҷо маҳдудияти содирот ҷорӣ мешавад.
Ба гуфтаи оҷонсии рейтинг, болоравии нархҳо метавонад ба молияи давлат осеб расонад ва норозигии мардумро афзоиш диҳад.
Илова бар ин, иқтисоддонҳо мегӯянд, ин вобастагии зиёд аз воридот натиҷаи ҳукмронии режими Раҳмон дар тӯли тақрибан 30 соли қудрат мебошад.
