Дар Туркманистон истифода бурдани нақлиётҳои рангаш сафед набударо манъ карданд
Чи тавре ки ОИ «Хроника Туркменистана» иттилоъ медиҳад, ҳукумати кишвар истифода бурдани нақлиётҳои махсусан рангаш сафед бударо ҷорӣ намуданд.
Аз аввали соли 2018 шурӯъ карда полиси Туркманистон дар роҳҳо нақлиётҳои рангаш гуногун бударо дастгир намуданд. Вале, соҳибони нақлиётҳои рангаш гуногун буда то моҳи март вақт доштанд, то ин ки нақлиёташонро аз нав ранг кунанд ё ба минтақаҳои дигар бифурӯшанд. Санаи 25-уми майи соли ҷорӣ ҷашни рӯзи Ашқобод дар назар дошта шудааст. Бинобар ин, дар роҳҳои Туркманистон бояд нақлиётҳои рангаш сафед бимонад. Ёдрас мекунем, ки ранги сафед ранги дӯстдоштаи раиси давлат Қурбонгули Бердимуҳамедов мебошад.
Акнун нақлиётҳои рангаш гуногун буда ба қайд дароварда намешавад. Ба хотири ҳангомаи мазкур нархи аз нав ранг намудани нақлиёт афзоиш ёфт. Нархи миёнаи аз нав ранг намудани нақлиёт ба 18 000 манат (тибқи қурби расмӣ баробар ба 5134 доллар) рост меояд. Дар хизматгузории нақлиётҳои на онқадар калон аз нав ранг кардани нақлиёт хеле арзон аст, вале сифати хуб надорад.
Ёдрас мекунем, ки аз соли 2015 инҷониб қонуни махфӣ оиди ворид накардани нақлиётҳои рангаш сиёҳ буда ҷорӣ аст. Ба ақидаи хабарнигорон, сабаби қарори мазкур дар хурофот параст ва худсар будани Бердимуҳаммадов мебошад.
