Дар Тоҷикистон кормандони милиса дар хусуси муҳоҷирони меҳнатӣ маълумот ҷамъ мекунанд
Чи тавре ки радиои Озодӣ менависад, дар шимоли Тоҷикистон, кормандони ҳифзи ҳуқуқ якҷоя бо шӯрои деҳот дар хусуси муҳоҷирони меҳнатие, ки барои коркунӣ ба Русия рафтаанд маълумот ҷамъ карда истодаанд.
Ҳукумати маҳаллӣ ба маълумотҳои зерин дар бораи муҳоҷирони меҳнатӣ манфиатдоранд: суроғаи истиқоматӣ, ҷои кор ва рақами телефони мобилӣ.
Ба сокини ноҳияи Бобоҷон Ғафурови вилояти Суғд Ҳасан Ҳамроқулов як ҳафта пеш ба суолҳои мансабдорони ногаҳон ба манзилаш омада маҷбур шуд посух диҳад. «Писарам дар Русия буда, ягона таъминкунандаи оила мебошад. Аъзоёни гурӯҳи ташриф оварда аз ҷумла дар хусуси, писарам чанд муддат пас ба хона занг мезанад ва дар кадом суроға дар Русия зиндагӣ дорад суол карданд. Ман сахт тарсидам, — гуфт ӯ ба хабарнигорон. Ҳасан Ҳамроқулов то ҳол ҳайрон аст, ки намояндагони ҳукумат бо чи сабаб дар бораи писараш, ки дар муҳоҷирати меҳнатӣ қарор дорад пурсуҷӯ намудаанд.
Раиси маъмурияти ноҳияи Бобоҷон Ғафуров Ҳусейнхон Ҳакимов ба хабарнигорон маълумоти зеринро тасдиқ намуд ва иброз дошт, ки «маъракаи мазкур барои таъмин намудани амният карда мешавад». «Яке аз мақсадҳо — муайян кардани ашхосе, ки дар хориҷ аз кишвар ҳастанд», — қайд намуд раиси ноҳия.
Дилшод ном шахс, сокини деҳаи Ёли ноҳияи Шамсиддини Шоҳин дар ҷануби Тоҷикистон, инчунин ба хабарнигорон хабар дод, ки ба қарибӣ кормандони милиса сумка ва рюкзакҳо ва инчунин телефонҳои мобилии донишҷӯёнро ки наздиконашон дар Русия коркунӣ рафтаанд кофтуков намуданд.
