Дар Ӯзбекистон имомҳои фаъолро сабукдӯш намуданд
Дар вилояти Самарқанди ҷумҳурии Ӯзбекистон бо ибораи «фармонро дар вақти худ иҷро накардан, ноитотӣ ва ахлоқи ношоями ба имом дуруст набуда», имоми масҷиди ба номи «Абу Ҳанифа» Абдураҳим Пулатов аз мансаби иҷро карда истода барканор карда шуд. Тибқи иттилои хадамоти ӯзбекии BBC сабаби аслии барканоршавии имом дар шавқмандгардонии наврасон мебошад. Имом бо ташаббуси шахси ба маблаги аз хомиён чам шуда ба 14 наврасе, ки дар давоми 40 руз дар намозхои субхи бо чамоат иштирок варзиданд велосипедхо тухфа намуда аст ва дар натиҷа аз вазифаи худ барканор шуд.
Инчунин, идораи рӯҳонии мусулмонони Ӯзбекистон санаи 26-уми июл дар хусуси аз вазифа барканоршавии якчанд имомҳои дигар низ иттилоъ дод. Дар вилояти Сирдарё ба хотири надоштани илми исломии кофӣ 3 имоми масҷид аз вазифа барканор карда шуданд.
Барои гузаронидани маросими никоҳ бидуни шаҳодатномаи ақди никоҳи давлатӣ, гӯё барои афзоиш ёфтани шумораи ҷудошудагон ва барои муомилаи ношоям кардан бо намозгузорон саримом-хатиби вилояти Сирдарё Муминҷон Усмонов аз вазифааш барканор карда шуд. Имом-хатиби масҷиди ҷомеӣ «Шайх Зайниддин»-и шаҳри Тошканд Одилхон Исмоилов низ аз вазифааш барканор карда шуд. Гуфта шудааст, ки номбурда тартиботи ҷоришудаи масҷидро риоя намекардааст, инчунин дар намозҳои ҳар рӯза иштирок намекардааст ва маълумотҳои тасдиқ нашударо бо воситаи интернет паҳн мекардааст. Инчунин, саримом-хатиби ноҳияи Фарғонаи вилояти Фарғона Ҳасанбой Ашуров барои саривақт иҷро накардани фармоишҳо, ноитоатӣ ва рафтори ношоями ба имом дуруст набуда аз вазифа озод карда шуд.
Ба ақидаи мушоҳидон, Идораи рӯҳонии мусулмонони Ӯзбекистон бо чунин услуб аз имомҳои носозе, ки фикри шахсӣ оиди иҷрои вазифаҳои динӣ дар пеши мардум ҷудогона аз давлат доранд халос шуда истодааст.
Ёдрас мекунем, ки каме пеш дар Идораи рӯҳонии мусулмонони Ӯзбекистон мансаби нави муовини раис ташкил гардида, ба ин вазифа собиқ корманди Хадамоти амнияти миллӣ Дилшод Ҳошимов таъйин шуд, ки дар замони худ аз тарафи собиқ раисҷумҳури Ӯзбекистон И. Каримов, ки бо ҳамаи намуди зоҳиршавии Ислом мубориза мебурд, бо медали «Ҷасорат» мукофотонида шудааст.
