Даровардани тағйиротҳо дар Мақомоти зиндонҳои Тоҷикистон шурӯъ гардид

Мақомоти зиндонҳои Тоҷикистон дар пайи назорат аз иҷрои қонун ва тартибу интизом дар муассисаҳои ислоҳии кишварро шадидтар карданд. Дар ин хусус бархе аз наздикони маҳкумшудагон ба радиои Озодӣ иттило додаанд.

Гулчеҳра, як сокини пойтахт маъмулан худаш ба аёдати хоҳарзодааш дар зиндони рақами яки пойтахт мерафт. Зеро, оилаи хоҳарзодаи зиндониаш дар ноҳияи дурдаст зиндагӣ мекунанд ва на ҳамеша имкони дидор бо ӯро доранд. Аммо бори охир масъулини зиндон ду ҳафта пеш дархости ӯро барои мулоқот бо бародарзодааш рад карда гуфтаанд, бояд ҳамакнун танҳо падар ё модар ва ё ҳамсару фарзандони маҳбус биёянд. Ӯ гуфт: “Пеш мерафтем, шиносномаро медиданд, номамонро менавиштанд ва медаромадем, вохӯрӣ мекардем. Ҳозир ду бор аст меравем, мегӯянд, «барои амма, хола, писари амма даромадан мумкин нест». Ман мегӯям, «охир мо меомадем, медаромадем». Мегӯянд, ҳоло шароитҳо дигар шудааст,” мегӯяд зан. Ба гуфтаи хонум Гулчеҳра, дар баробари ӯ ба наздикии маҳкумшудаи дигар ҳам, ки мехост бо бародари худ дидорбинӣ кунад, иҷозаи мулоқот дода нашуд.

Илҳом Маҳмудов, муовини сардори Сарраёсати иҷрои ҷазои ҷиноии Вазорати адлия рӯзи 3-юми январ дар сӯҳбат бо Радиои Озодӣ гуфт: «Талаботи қонун дигар нашудааст. Қаблан ҳам тибқи қоида танҳо ба онҳое иҷоза дода мешуд, ки исмашон дар парвандаи маҳкумшуда оварда шудааст,» қайд намуд Маҳмудов дар ҳамсӯҳбат бо хабарнигор.

Вале, чи тавре ки ба хабарнигори «Хабарҳо» бо шарти ниҳонӣ собиқ маҳкумшудаи яке аз зиндонҳои Тоҷикистон иттило дод, пештар барои мулоқот бо маҳкумшудагон на танҳо бародар, тағо, амак, холаву амма ҳуқуқ доштанд, балки дӯстони наздик низ ки насабашон дар парвандаи шахсии маҳкумшуда дароварда мешуд ҳуқуқ доштанд ба мулоқот ворид шаванд.

Мушоҳидон қайд мекунанд, ки тартиботи нави воридшавӣ ба мулоқот бо маҳкумшудагон танҳо коррупсияро дар Мақомоти зиндонҳо афзоиш медиҳад, ки бидуни он низ яке аз фасодзадатарин хадамоти давлатӣ ба шумор меравад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.