Прокурори генералии Тоҷикистон: шиканҷа намедиҳем, ришҳоро наметарошем, ҳиҷобҳоро бадар намекунонем

Прокурори генералии Тоҷикистон: шиканҷа намедиҳем, ришҳоро наметарошем, ҳиҷобҳоро бадар намекунонем

Санаи 2-уми июл дар чорчӯбаи ҷаласаи 126-уми Кумитаи СММ оид ба ҳуқуқи инсон, намояндагони Ҷумҳурии Тоҷикистон оид ба риоя ва иҷрои ҳуқуқи инсон дар кишвар мутобиқи пакти байналхалқии ҳуқуқҳои шаҳрвандӣ ва сиёсӣ бо маърӯза баромад намуд.

Намояндагии ҳукуматӣ, ки дар он сардори хадамоти кафолати ҳуқуқи инсони дастгоҳи иҷроияи президенти Тоҷикистон Абдуҷаббор Сатторзода, ваколатдор оиди хуқуқҳои инсон дар Тоҷикистон Умед Бобозода, муовини вазири адлияи Тоҷикистон Шаҳзода Нодирӣ дохил буданд. Намояндагии ҳукуматро прокурори генералӣ Тоҷикистон Юсуф Раҳмон сардори намуд.

Дар рафти маърӯзакунӣ Юсуф Раҳмон изҳор намуд, ки ҳукумати Тоҷикистон барои иҷрои ӯҳдадориҳои байналхалқии худ оиди таъмини ҳуқуқҳои инсон эътибори ҷиддӣ медиҳад. Инчунин, ӯ дар хусуси муборизаи ҳукумат оиди шиканҷаи маҳбусон ва дастгиршудагон нақл намуд ва изҳор дошт, ки хадамотҳои мутобиқшуда дар вақти пурсиш ҳамаи ҳуқуқҳои дастгиршудагонро риоя мекунанд. «Касе ҳуқуқи таҳқир ва ҳақир намудани дастгиршудагонро надорад», гуфт ӯ.

Инчунин, прокурори генералӣ қайд намуд, ки дар Тоҷикистон фаъолони динӣ таъқиб намешаванд. Ба гуфтаи ӯ, дар Тоҷикистон касе мардонро барои тарошидани риш маҷбур намекунад. Илова бар ин, хабарҳои зиёди оиди он ки кормандони ҳифзи ҳуқуқ сатр ва ҳиҷоби занонро барои бадар намудан маҷбур мекунанд, бе асос номид.

Мушоҳидон қайд мекунанд, ба касе пӯшида нест, ки хадамотҳои қудратӣ дар Тоҷикистон тӯли солҳои зиёд аст, ки бо ёрии шиканҷа намудан парвандаҳои ҷиноии бофташуда нисбати шахсони бо режим носоз бо сабабҳои динӣ ва сиёсӣ оғоз мекунанд. Айнан бо чунин сабаб ҳазорҳо нафароне, ки кишварро тарк намудаанд, ба кофтуков эълон карда шуданд. Ҳимоятгарони ҳуқуқ қайд мекунанд, ки имрӯз шумораи тоҷиконе, ки барои ақидаҳои сиёсӣ ва эътиқоди динӣ маҳкумшудаанд, аз 3000 нафар зиёд гардидааст. Барои муқоиса: дар соли 2012 шумораи онҳо тақрибан 450 нафарро ташкил мекард.

Ғайр аз ин, дар сомонаҳои иҷтимоӣ мунтазам маълумотҳо нашр мешавад, ки дар кӯчаҳои шаҳр ва маҳалҳои аҳолинишин бо мақсади дастгир намудани занҳои ҳиҷобпӯш рейдҳо гузаронида мешавад. Дар кишвар ҳолатҳое қайд шудаанд, ки ба занҳои ҳиҷобпӯш даромадан ба мактабҳо, беморхонаҳо, духтурхонаҳо, кӯдакистонҳо ва ғайра манъ карда шудааст. Ҳатто дар бозорҳо занонро маҷбур мекунанд, ки ҳиҷобашонро бадар намоянд, ки дар натиҷа аксарияти занон, аз ҷумла занони дар ҳолати камбизоатӣ қарор дошта аз ҷои кор маҳрум гардиданд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.