Ширкати «Фароз» бо истихроҷи кони тилло машғул мешавад

Сарраёсати геологии назди ҳукумати Тоҷикистон рӯйхати нави ширкатҳое, ки литсензия оиди ҷустуҷӯ, тадқиқот ва истихроҷи канданиҳои фоиданокро ба даст овардааст нашр намуд. Тибқи рӯйхате, ки як нусхаи он дар ихтиёри радиои Озодӣ мебошад, бинобар он ширкати «Фароз» ҳуқуқи истифодабарии конҳои тиллоӣ «Уқобхона» ва кони сурма дар Паҳндараро то соли 2022 пайдо намудааст. Конҳои мазкур дар минтақаҳои ноҳияи Айнӣ дар шимоли Тоҷикистон ҷойгир мебошад.

Бояд қайд намуд, ки аз замони пайдошавии ширкати мазкур фаъолияти он аз воридот ва фурӯши маводҳои сӯзишворӣ ва молидани дар дохили кишвар, сипас фурӯши маводҳои сӯзишворӣ ва молиданӣ ба ҳамсоякишвар Афғонистон иборат буд. Бо мурури замон доираи манфиати ширкати мазкур аз мактабҳои ронандагӣ ва дорусозӣ то ба заводҳои металлургӣ васеъ гардидааст.

Ёдрас мекунем, ки тобистони имсол ба ширкати «Фароз» ҳуқуқ барои додани қоғази тиббӣ шакли 026 барои дохил шудан ба мактаб дода шуд ва нархи он 78 сомонӣ муқаррар гардид. Ҳукумати кишвар номи соҳиби ширкати мазкурро ифшо намекунад, вале манбаъҳое, ки ба ҳукумат наздиканд мегӯянд, ки он ба яке аз домодҳои раисҷумҳури Тоҷикистон мутааллиқ мебошад, иттило медиҳад радиои Озодӣ. Инчунин бояд қайд намуд, ки мутааллиқ будани ширкати мазкур ба яке аз домодҳои Раҳмон ба касе аз аҳолии кишвар пӯшида нест.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.