Шумораи аъзоёни ҳизби Раҳмон қариб ним миллион нафарро ташкил намуд

Ҳизби Халқии Демократии Тоҷикистон, ҳизби раиси ҷумҳур Эмомалӣ Раҳмон рӯзи 7-уми феврал эълон кард, ки теъдоди аъзояш ба ним миллион нафар наздик шудааст.

Омори нав дар бораи аъзои Ҳизби Халқии Демократиро дар ҷаласаи кумитаи марказии ҳизб эълон кардаанд. Дар ин ҷаласа, ки моҳи феврал бо ҳузури Эмомалӣ Раҳмон раиси ҷумҳур ва раиси ҳизб сурат гирифт, гуфтаанд: “Ҳизби Халқии Демократии Тоҷикистон беш аз 460 ҳазор аъзо дорад, ки 220 ҳазорашро занон ташкил медиҳанд. Аз ин шумора беш аз 176 ҳазори онҳо ҷавонони аз 18 то 30-сола мебошанд”.

Мушоҳидон қайд мекунанд, ки чунин шумораи аъзоёни ҳизб на бо дастгирии пурраи сиёсати режими кунунӣ аз ҷониби аҳолӣ, балки бо воситаи истифодабарии захираҳои маъмурӣ ва зумраи касони сусту заифи аҳолӣ, яъне коркунони давлат дастгири шудааст.

Хабарнигорони маҳаллӣ дар Тоҷикистон пурсише гузаронданд, ки дар рафти он аён шуд, баъзе аз мардум бо таҳдиди сабукдӯш шудан аз ҷои кор маҷбур шуданд ба сафи ҳизби Раҳмон аъзо шаванд. Масалан, як омӯзгоре аз ноҳияи Ваҳдат ба хабарнигорон гуфт, ӯ ҳам узви ҳизби ҳоким аст, чун мудири мактаб омада, ба ҳамаи муаллимон амр додааст, “ки аз шӯъбаи маорифи ноҳия гуфтанд, ки ҳамакаса ба ҳизби ҳоким аъзо шавем.” “Мо ҳам чизе нагуфтем, ба сафи ҳизб дохил шудем ва ҳар моҳ ҳаққи аъзогӣ ҳизбиро аз ҳисоби маошамон мегиранд,” — гуфт омӯзгор.

Таҳлилгарон бар он ақидаанд, ки ҳизби Раҳмон на барои амалигардонии нақшаву лоиҳаҳои неки давлату ҷомеа, балки барои қонунӣгардонии ҳукмронии истибдоди Раҳмон ва наздиконаш, ки зиёда аз 25 сол ҳукмронӣ намудааст ташкил шудааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.