Додгоҳ дар Ӯзбекистон: ҳиҷоб либоси динӣ нест

Додгоҳи шаҳри Тошканд хоричкунии донишҷӯи Академияи исломии байналмилалӣ Луиза Муминҷоноваро барои омадан бо либоси исломи, ҳиҷоб ба академия қонунӣ донист.

Луиза аз шаҳри Хоразм ба академияи исломӣ ройгон дохил шуд, вале бо сабаби манъи иштирок кардан дар дарсҳо бо ҳиҷоб аз тарафи маъмурияти донишгоҳи исломӣ ӯ таҳсилгириро қатъ намуд. Пас аз он ки 140 соат аз таҳсилот ақиб монд, ӯро хориҷ намуданд. Муминҷонова аз болои Кумитаи оид бо корҳои дин, Идораи мусулмонони Ӯзбекистон, вазорати таҳсилоти олӣ ва миёнаи махсус ва Академияи исломии байналмилалӣ даъво намуд.

Вале, додгоҳ қарореро қабул кардааст, ки бинобар он ҳиҷоб на либоси динӣ, балки либоси миллӣ мебошад, ки аз рӯи он мамнӯъи ҳиҷоб асоснок карда шуд. Дар қарори додгоҳ гуфта шудааст: «Бо сабаби он ки ҳиҷоб либоси динӣ нест, балки либоси миллӣ аст, бинобар ин пӯшидани он дар донишгоҳҳои таҳсилоти мамнӯъ карда мешавад. Аз ин рӯ, додгоҳ қарори қабул кардаи маъмурияти Академияи исломиро дар бораи манъи пӯшидани он дар донишгоҳ қонунӣ донист».

Таҳририяти Би-Би-Сии ӯзбекӣ низ ба манбаи худ такя намуда оиди чор ҳолати хориҷшавии донишҷӯён аз Академияи исломӣ бо сабаби ҳиҷобпӯшӣ иттило медиҳад.

Ёдрас мекунем, ки мавзӯи ҳиҷоб на танҳо дар Ӯзбекистон, балки дар Тоҷикистон низ мавзӯи баҳс қарор гирифтааст, ки бар зидди он ҳукумати Тоҷикистон ҷанги ҳақиқӣ эълон намуда, дар сатҳи қонунӣ мехоҳанд даромадан бо ҳиҷоб дар ҷойҳои ҷамъиятӣ, касалхонаҳо, муассисаҳо, дар кӯдакистонҳо ва ғайра манъ намоянд. Бояд қайд намуд, ки ҳарчанд режимҳои кунунӣ бо чораҳои гуногун пӯшидани либоси исломиро манъ кунад ҳам, шумораи занони ҳиҷобпӯш дар аҳолии минтақаҳо рӯз аз рӯз меафзояд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.