Ҳукумати Маскав арзиши патентро афзоиш дод
Патенти ҳуқуқи кор кардан барои шаҳрванди хориҷӣ дар ҳудуди Маскав барои соли 2020 ба 350 рубл афзоиш ёфт. Тағйироти зарурӣ дар қонунгузории андози пойтахт аз тарафи Думаи шаҳрии Маскав ворид карда шуд – хабар медиҳад Interfax. Соли 2020 коргарони хориҷӣ барои патент ҳар моҳ ба ҷои 5000 рубл, мисле ки дар соли 2019 буд, 5350 рубл мепардозанд. Ҳол он ки соли 2018 арзиши ин ҳуҷҷат 4500 рублро ташкил медод.
Ёдрас мекунем, ки имрӯз на камтар аз 5 миллион муҳоҷирони меҳнатӣ аз Осиёи Марказӣ барои коркунӣ дар Русия қарор доранд. Ҳар муҳоҷире, ки дар Русия бо фаолияти меҳнатӣ машғул мешавад, бояд маблағи муқаррарии ҳармоҳаро тибқи маҳалли худ бипардозад. Аз рӯи баҳогузории пешакии департаменти рушд ва сиёсати иқтисодии Маскав, даромад ба буҷет аз патентҳо аз ҷониби шаҳрвандони хориҷӣ соли 2019 ба 18 млрд рубл расидааст. То миёнаи моҳи декабр 427 ҳазор нафар чунин ҳуҷҷатро гирифтаанд.
Ҳамин тавр, ҳукумати Маскав даромади буҷетро аз ҳисоби муҳоҷирони меҳнатӣ зиёд мегардонад, вале ба мардум барои ин қарор сабабҳои дигарро номбар мекунад. 28 октябр Собянин дар ҷамъомади умумии шаҳр оид ба пешгирии ҳуқуқвайронкуниҳо иброз дошт: «Муҳоҷирон набояд ба соҳибкорон назар ба шаҳрвандони мо арзонтар бошад. Ин аз рӯи принтсип мавқеи муҳим аст. Мо бояд чунон кор кунем, ки ҳар нафаре ки барои кор ба Маскав меояд, аз қайд гузарад ва мисли аҳолии Маскав андоз бисупоранд».
