Тоҷикистон: музди коргаронро ба таъхир гузоштанд

Тоҷикистон: музди коргаронро ба таъхир гузоштанд

Дар аввали моҳи июн чанд расонаҳои тоҷик аз таъхири пардохти музди корфармоёни тоҷик хабар дода буданд, ки даҳҳо ҳазор коргарон дар тӯли якчанд моҳ маош нагирифтаанд.

Масалан, кормандони ширкати «Талко Кемикал», воқеъ дар ноҳияи Ёвони вилояти Хатлон, ба рӯзноманигорон шикоят карданд, ки панҷ моҳ аст, ки маош нагирифтаанд ва дар вазъи вазнини молиявӣ қарор доранд, иттило медиҳад Радиои Озодӣ.

Корхона барои эҳтиёҷоти ширкати алюминии «Талко» криолит, фториди алюминий, коагулянт ва кислотаи сулфат истеҳсол мекунад. Намояндаи ширкати «Талко Кемикал» гуфт, ки вазъи мавҷуда мустақиман ба вазъи иқтисодии корхона вобаста аст ва илова кард, ки як қисми маоши кормандон аллакай пардохт карда шудааст.

Ҷовидон Юсуфзода, корманди яке аз сехҳои «Талко Кемикал», ба хабарнигорон гуфт, ки пас аз панҷ моҳи интизории маош расман ба роҳбарият муроҷиат кардааст, аммо онҳо дар посух гуфтанд, ки «пул нест». Ба гуфтаи вай, ӯ инчунин ба раиси ноҳия ва додситони ноҳияи Ёвон барои мусоидат дар ҳалли ин масъала муроҷиат кардааст, «аммо ҳама талошҳо ҳоло беҳудаанд». Юсуфзода изҳор намуд, ки тақрибан 100 коргар низ дар сех маош нагирифтаанд. Яке аз кормандони ин ширкат Шаҳриёр Бобоев гуфт, ки барои хӯрондани оилааш пул қарз гирифтааст. «Ман дар як моҳ 2 ҳазор сомонӣ маош мегирам, ин барои хӯронидани оилаам басанда буд, аммо панҷ моҳ аст як дирам нагирифтаам», — иброз намуд мусоҳиб.

Саъдӣ Ҷабборов, муовини роҳбари яке аз сеҳҳои «Талко Кемикал», гуфт, ки ҳамзамон ширкат ба коргаронаш ҳар моҳ ба миқдори 300-400 сомонӣ ё 30-40$ доллар маош медиҳад, то онҳо бе пул намонанд. Коргарон, дар навбати худ, мегӯянд, ки ин маблағ танҳо барои хароҷоти роҳ кофӣ аст.

Бояд қайд кард, ки кормандони «Талко Кемикал» ягона касоне нестанд, ки вақтҳои охир музди пурра ё маош нагирифтаанд. Масалан, вақтҳои охир дар бораи ба таъхир ва коҳиши музди меҳнат дар шӯъбаҳои гуногун ва муассисаҳои буҷавӣ маълумот паҳн шуда истодааст, шикоятҳои муаллимон, табибон ва дигар кормандони давлатӣ аз он ҷумла мебошанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.