Туркия амалиёти «Сипари Фурот»- ро аз нав оғоз мекунад

Дар баёноти худ раисҷумҳури Туркия боз амалиёти «Сипари Фурот»-ро мақсади гузарондан дорад. Дар ин хусус ҳафтаномаи «Milliyet» хабар додааст.

«Амалиёти «Сипари Фурот» ба ҷои асосии қалби ташкилотҳои террористӣ дар Сурия зарба хоҳад зад. Мо кӯшиш ба харҷ дода истодаем ва бо ин мехоҳем минтақаи амалиёти зеринро васеъ намоем. Дар ояндаи наздик мо ба ин самт қадамҳои нав ва муҳим мегузорем», — суханони Эрдуғонро ҳафтанома хабар медиҳад. Ӯ ваъда додааст, ки «куштор»-ро дар Сурия ба итмом мерасонад ва илова карда гуфтааст, ки ин «вазифаи умумбашарӣ» аст. «Бародарон ва хоҳарони мо дар Сурия айбдор нестанд. Мо ҳақ надорем, то ба фарёди онҳо чашм бипӯшем», — суханони раисҷумҳури Туркияро ҳафтанома иқтибос карда меорад.

Ёдрас мекунем, ки амалиёти «Сипари Фурот» моҳи августи соли 2016 шурӯъ гардида, моҳи марти соли ҷорӣ ба итмом расид. Санаи 29 март Шӯрои амнияти миллии Туркия дар баёнияи худ изҳор намудааст, ки «амалиёти шурӯъ гардида, ки барои мудофияи марзҳои кишварамон, барои пешгирии ҳамлаҳо аз тарафи «давлати исломӣ», ки ба сӯи кишварамон нигаронида шудааст, «…» бо муваффақият ба охир расид». Тибқи маълумоти Шӯрои амнияти миллӣ, амалиёт «ба бародарони гурезаҳои Суриягӣ имконият дод, то ба хонаҳои худ баргарданд ва зиндагии бо сулҳу осоиштаро идома диҳанд».

Бояд қайд намуд, ки Эрдуғон як чанд маротиба худро ҳамчун ғамхори мардуми Сурия нишон медиҳад, алҳол ҳафт сол мешавад, ки режими Башор Асад халқи худро қатли ом мекунад. Вале, Эрдуғон ба қатли ом эътибор намедиҳад ва аз сафсата фурӯхтан он сӯ намегузарад. Мусулмонон ҳанӯз  қатли ом ва фарёди ҳар як мардуми Ҳалабро фаромӯш накардаанд. Мусулмонони Ҳалаб ба ҳокимони кишварҳои мусулмоннишин, хусусан ба Эрдуғон муроҷиат карда буданд, то ба фарёдашон бирасанд. Аммо ягонтаи онҳо барои кӯмак намудан кӯшиш накарданд. Дар натиҷа якчанд даҳҳо ҳазор инсонҳо аз бомбаҳои қувваҳои ҳарбӣ ҳавоии рус ва суриягӣ ҳалок шудаанд. Боқимондаҳое, ки зинда монданд маҷбур шуданд аз хавфи ниқори режими Асад хонаҳои худро партофта ба маҳаллиҳои дигар бикӯчанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.