Чин аз болои уйғурҳо озмоишҳои тиббӣ мегузаронад
Бинобар иттилои «Associated Press» дар қаламрави ишғолшудаи Туркистони Шарқӣ (Шинҷон) мақомоти Чин бо коронавирус мубориза мебаранд, мардумро 40 рӯз дар хонаҳояшон баста ба дастгиршудагон доруҳои тамъизӣ мепошанд.
«Associated Press» дар асоси огоҳиномаҳои ҳукумат, ниҳодҳои шабакаҳои иҷтимоӣ ва мусоҳиба бо се нафар дар карантин буда дар Шинҷон, нақл мекунад, ки чӣ гуна баъзе сокинонро бо вуҷуди мавҷуд набудани далелҳои дақиқи тиббӣ оиди самаранокии доруҳо онҳоро маҷбур мекунанд доруҳои анъанавии тиббиёти чиниро истеъмол бикунанд. Коршиносон инро вайрон кардани одоби тиббӣ меноманд.
Инчунин, як сокини маҳаллӣ уйғур зан ба «Associated Press» гуфтааст, ки пас аз боздошт дар замони хуруҷи коронавирус дар Чин, ӯро маҷбур карданд, ки дору бинӯшад, пас аз он зан дар худ нотавонӣ ва дилбеҳузуриро ҳис кардааст.
Ба гуфтаи ин зан, ӯ ва дигаронро дар ҳуҷра маҷбур мекарданд, ки ҳафтае як маротиба бараҳна шаванд, то ин ки посбонон онҳоро ва ҳуҷраҳояшонро бо маводи шубҳанок тамъиз бикунанд.
