Раҳмон Лукашенкоро дастгири намуд
Президенти Тоҷикистон, дар пасманзари иқдомҳои эътирозии мардум дар Беларус алайҳи Лукашенко, ҳамкори беларуси худ Лукашенкоро бо 66-умин зодрӯзаш самимона табрик намуд.
Рӯзи 31-уми август, зимни гуфтугӯи телефонӣ Президент Раҳмон «ҳамкори» худро дастгирӣ кард ва ба ӯ илҳом бахшид. Ҷолиби диққат аст, ки баъзе кишварҳои Аврупо натиҷаҳои интихобот ва қонунӣ будани Лукашенкаро эътироф накарданд, дар ҷое ҳатто таҳримҳои шахсӣ ҷорӣ карда шуданд.
Коршиносон қайд мекунанд, ки Лукашенко низ ба монанди Раҳмон имрӯз яке аз баъзе раҳбарони кишварҳои пасошӯравист, ки тасмим гирифтаанд то охири умр дар сари қудрат бимонанд, тавре ки бо президенти собиқи Ӯзбекистон Ислом Каримов аллакай рух дода буд.
«Ҳамин ки онҳо аз мансаби худ бираванд, халқҳои ситамдидаи ин кишварҳо бешубҳа онҳоро барои тамоми бераҳмиҳое, ки дар давраи ҳукмронии худ кардаанд ба ҷавобгарӣ мекашанд ва ҷазо хеле бераҳмона хоҳад буд. Мо мушоҳида намудем, ки баъзе халқҳое, ки бар зидди ҳокимони бедодгари худ исён бардоштанд, ҷазояшонро доданд ва ин яке аз сабабҳои он аст, ки режимҳои ҳукмравоӣ тамоми зуҳуроти дигарандеширо саркӯб мекунанд, то ин ки рақибони худро хоҳ сиёсатмадор бошанд, хоҳ фаъолони мустақил ё рӯзноманигор аз байн бубаранд», — иброз намуд сиёсатшинос ки нахост номаш ифшо гардад.
