Эътирозҳои нав дар Қазоқистон
Рӯзи 13 феврал дар Алмаато ба ёди қурбониёни моҳи январи хунин гирдиҳамоии мотамӣ баргузор шуд, хабар медиҳад Orda.kz. Намоишчиён дар даст плакатҳо ва лавҳи шиор ба мисли «Токаев, гум шав. Тамоми кишвар аз ту нафрат дорад!», «Нест бод шиканҷа», «Фашизмро бас кунед», «Озодӣ ба бегуноҳон», «Мардум террорист нест», «Январи хунинро фаромӯш намекунем ва намебахшем», «Бидуни огоҳӣ тир холӣ кардан» ин ҷиноят алайҳи мардум аст».
Митинги мотамӣ бо хондани дуо барои кушташудагон дар эътирозҳои моҳи январ оғоз шуд. Хешовандони кушташудагон ба остинашон лентаҳои сафед бастаанд. Дар гирдиҳамоии бидуни иҷозат ҳудуди 700 нафар ширкат карданд. Талаботи аслии наздикони ҳалокшудагон ва маҷрӯҳшудагон таҳқиқи софдилонаи парвандаҳои ҷиноӣ ва раҳоии афроди ғайриқонунӣ боздоштшуда буд.
Қобили зикр аст, ки баробари ҷамъ шудани мардум дар майдон суръати интернети мобилӣ суст шуд, пас аз чанде алоқа комилан қатъ гардид. Аён аст, ки бо ин роҳ режим аз паҳн шудани маълумот дар бораи митинг монеъа кард. Кормандони милиса ба маҳалли гирдиҳамоии беиҷозат расиданд, вале бо назардошти таҷрибаи манфии қаблӣ ҳеҷ чорае наандешиданд.
