Дар Тоҷикистон имом-хатибонро аз нав аттестатсия мекунанд

Дар Тоҷикистон имом-хатибонро аз нав аттестатсия мекунанд35 имом-хатибони масҷидҳои Тоҷикистон аз вазифаи худ сабукдӯш гардиданд. Дар ин хусус санаи 5 феврал раиси шӯъбаи иттиҳодияҳои динии кумитаи оид ба корҳои дин танзими анъана ва ҷашну маросимҳои назди ҳукумати Тоҷикистон Ҳусейн Шокиров хабар дод. Ба гуфтаи Ҳусейн Шокиров имом-хатибон аз сабаби нагузаштани аттестатсия аз вазифаашон сабукдӯш гардиданд.

Бояд қайд намуд, ки аз нав аттестатсиякунии имом-хатибон дар Тоҷикистон расман тӯли 9 сол аст, ки идома дорад ва 3-4 соли ахир талаботҳо нисбати  имом-хатибон пурзӯр гаштааст.

Яке аз фаъолони шаҳри Душанбе бо эътибори ниҳонӣ розӣ шуд ба хабарнигори «Хабарҳо» оиди вазъият бо имом-хатибон  изҳори ақида намояд:

«Пештар имом-хатибон ҳар сол аз нав аттестатсия мегузаштанд ва ин кор бештар бо мақсади қонунигардонии иҷрои вазифаҳои имом-хатиб карда мешуд ва фикри намозгузорони ин ё он масҷид роли асосиро дар таъйин намудани имом-хатибон ба инобат гирифта мешуд. Фикри намозгузорон бошад бинобар доштани илми Исломӣ ташаккул меёфт. Вале имрӯзҳо имом-хатибоне, ки дар масҷидҳо фаъолият мебаранд дар хусуси Ислом илми кофӣ надоранд, ҳатто ба суолҳои оддӣ дар соҳаи фиқҳ низ чи тавре ки худашон иқрор мешаванд бо фармоиши боло ҷавоб медиҳанд. Ғайр аз ин, дар кишвар имомони мустақиле, ки Исломро бидуни фармоиши режим мефаҳмонанд намондааст».

Ёдрас мекунем, ки пештар ҳамаи имом-хатибоне, ки дар хориҷ таҳсилот гирифтаанд аз вазифаашон сабукдӯш гардиданд, Кумитаи оид ба корҳои дин танзими ҷашну маросимҳои оиди баста шудани 1938 масҷид бо баҳонаи надоштани санадҳои иҷозатӣ иттило дода буд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.