Экспансияи фарҳангӣ ва забонии Русия дар Тоҷикистон
Санаи 28 ва 29 август ба фурудгоҳи байналмиллалӣ Душанбе аз тарафи «Россотрудничество» 52 ҳазор адад китобҳои дарсӣ бо забони русӣ ворид гардид. Як қисми китобҳо, ки санаи 28 август ворид гардидааст, аз 8000 дона иборат буда, китобҳои забони русӣ ва адабиёт мебошад. Инчунин дар байни китобҳои фиристодашуда китобҳои алифбо ва китобҳои таълимӣ оиди санъати тасвирӣ низ мавҷуд аст. Дар ин хусус оҷонсии иттилоотӣ «Азия-плюс» хабар медиҳад.
Аз тарафи ду ташкилоти гумманитарии русӣ бо ҳавопаймои Вазорати мудофиаи Русия китобҳо бурда расонида шуд: 20 ҳазор китоби таълими забони русӣ аз фонди «Русский мир» ва 32 ҳазор адад китоби фанҳои гуногун ба ҳафт макотиб аз тарафи ташкилоти мухтори ғайритиҷоратӣ оиди дастгирии барномаҳои гумманитарӣ «Русская гумманитарная миссия» рои карда шудааст. Инчунин 30 нафар муаллимон аз минтақаҳои гуногуни Русия ба Душанбе ташриф овардаанд, то ин ки дар Тоҷикистон кору фаъолият бубаранд.
Ёдрас мекунем, ки аз замони пошхӯрии Иттиҳоди шӯравӣ то ба имрӯз Русия барои дошта истодан ва равнақ додани нуфузи худ дар минтақаҳои собиқ Иттиҳоди шӯравӣ ҳамаи намуди услубҳоро истифода мебарад. Яке аз ин услубҳо экспансияи фарҳангӣ ва забонӣ мебошад, ки бо ёрии фондҳо ва ташкилотҳои гуногуни гумманитарӣ амали мегардад.
