Имомони тоҷик ба консерт чипта мефурӯшанд
Чи тавре ки радиои Озодӣ ба Кумитаи шаҳр оид ба корҳои маданиятӣ такя намуда менависад, тайи чанд рӯз аст, ки дар масҷидҳои шаҳри Ваҳдати ҷумҳурии Тоҷикистон пас аз адои намоз чиптаҳои консерти «Шаби дӯстӣ» бо иштироки овозхонҳои Севинч Мӯминова, Нигина Амонқулова, Ҷонибек Муродов ва дигар овозхонҳои эстрадӣ Тоҷикистону Ӯзбекистон фурӯхта мешавад. Имом-хатиби масҷиди маҳаллӣ Ҳоҷи Пирмуҳаммад ба хабарнигорон изҳор намуд: «Мо аллакай ба намозгузорон 50 чиптаҳои консертро фурӯхтем».
Вале, ташаббуси зерини ҳукумати маҳаллиро ҳамаи имомон қабул накарданд. Яке аз имоми масҷид бо тариқи ниҳонӣ изҳор намуд, ки ӯ фурӯхтани чиптаҳои консертро дар масҷид қатъиян рад намуд. Ба гуфтаи ӯ ҳукумати маҳаллӣ чиптаҳои консертро ба тамоми масҷидҳои шаҳр тақсим намудаанд. «Ман гуфтам, ки ин амал дар хонаи Худо кори номақбул мебошад. Масҷид на танҳо ҷои ибодат, балки ҷоест, ки дар он намозгузорон ҷамъ шуда, масъалаҳои гуногунро матраҳ менамоянд. Фурӯхтани чиптаҳои консерт дар ҳудуди масҷид ин иқдоми куфр аст», гуфт ӯ.
