Мақомоти Тоҷикистон камбизоатиро ба вуҷуд меорад

Мақомоти Тоҷикистон камбизоатиро ба вуҷуд меорад

Бинобар ба таҳқиқоти донишгоҳи Тулейни ИМА (Tulane University), ки онро Азия-Плюс истинодан меорад гуфта шудааст, ки сиёсати молиявӣ-буҷавӣ дар Тоҷикистон ба афзоиши камбизоатӣ ва нобаробарӣ дар кишвар мусоидат мекунад.  Мутахассисони ин донишгоҳ, ки дар Ню Орлеани Луизиана ҷойгир аст, маводи таҳлилии 40-саҳифагӣ таҳти унвони «Таъсири сиёсати молиявӣ ба камбизоатӣ ва нобаробарӣ дар Тоҷикистон» омода карданд.

Хулосаҳои асосии таҳлилгарони Донишгоҳи Тулейн аз он иборатанд, ки сарбории андоз (чи андозаҳои мустақим ва чи ғайримустақим) барои камбизоатон дар ҷумҳурӣ баланд аст ва он ба андешидани чораҳои паст кардани сатҳи камбизоатӣ ва фарқи байни сарватмандон ва камбизоатон дар кишвар монеа эҷод мекунад.  Гузашта аз ин, онҳо мегӯянд, ки хароҷоти иҷтимоӣ, ки ба камбизоатон равона карда шудааст, дар амал ба нишони муқаррар шуда ирсол карда намешавад.

Муаллифони гузориш чунин мешуморанд, ки ҳаҷми кӯмакҳои нишонии иҷтимоӣ ба мардуми камбизоат дар ҷумҳурӣ барои ҷуброни тарҳҳои андоз ва коҳиши назарраси камбизоатӣ нокофӣ аст.

Инчунин мавриди қайд аст, ки Тоҷикистон дар қатори 10 кишвари дорои баландтарини андоз аз даромад қарор дорад ва тақрибан 60%-и буҷаро ҳамасола андозсупорандагони оддӣ ташкил медиҳанд. Корхонаҳо ва ширкатҳои калон дар кишвар ё аз ҷониби  оилаи Раҳмон ё атрофиёни ӯ идора карда мешаванд ва нисбат ба онҳо имтиёзҳои андозбандӣ мавҷуданд.

Иқтисодшиносони тоҷик қайд мекунанд, ки модели низоми андозбандии Ғарб, ки имрӯз ҳукумати дунявии Раҳмон дар Тоҷикистон татбиқ мекунад, худ аз худ ғалат ва аз ҳад зиёд гарон аст, ба фарқ аз модели иқтисодии исломие, ки таърихан дар минтақа татбиқ шудааст ва дар он тамоми захираҳои зеризаминӣ моликияти умумӣ буда, аҳолӣ танҳо закот пардохт мекунад, ҷорӣ кардани андозҳои иловагӣ дар Ислом манъ аст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.