Садои Беларус: Ӯзбекистон қонуни навро дар бораи гирдиҳамоӣ қабул мекунад

Садои Беларус: Ӯзбекистон қонуни навро дар бораи гирдиҳамоӣ қабул мекунад

18-уми август мақомоти Ӯзбекистон лоиҳаи қонун дар бораи гирдиҳамоиҳоро дар портали муҳокимаи санадҳои қонунгузорӣ (SOVAZ) regulation.gov.uz нашр карданд.

Зимни муҳокимаи лоиҳаи мазкур меҳмонони сомона изҳор доштанд, ки зарурати татбиқи ин лоиҳа бо эътирозҳои оммавии имрӯза дар дигар кишварҳои ИДМ, аз ҷумла дар Беларус, ба миён омадааст. Дар навбати худ, Вазорати корҳои дохилии ҷумҳурӣ дар сомонаи худ изҳороти зеринро нашр кард:

«Пас аз он ки лоиҳаи қонун «Дар бораи гирдиҳамоӣ, ҷамъомад ва тазоҳурот», ки аз ҷониби Вазорати корҳои дохилӣ таҳия шуда, ба муҳокимаи омма пешниҳод карда шудааст, истифодабарандагони шабакаҳои иҷтимоӣ андешаҳои мухталиферо ба миён оварданд, ки зарурати қабули қонуни мазкур пас аз эътирозҳои оммавӣ дар Беларус ба миён омадааст.» — гуфта шудааст дар паём. Ҳадафи асосии санаде, ки дар Вазорати корҳои дохилӣ пайдо шуд, «татбиқи ҳуқуқҳои конститутсионии шаҳрвандон барои амалисозии фаъолияти ҷамъиятии онҳо дар шакли гирдиҳамоӣ, маҷлисҳо ва намоишҳо, инчунин баланд бардоштани саводнокии ҳуқуқии онҳо дар ин самт» номида шудааст.

Тибқи санади мазкур, чорабиниҳои оммавӣ метавонанд танҳо дар давоми рӯзҳои ҳафта аз соати 10:00 то 18:00 баргузор гарданд. Чорабиниҳо бояд ҳадди ақал ду соат давом бикунанд.  Ҳамзамон, масофа аз маҳалли ҷамъомади шаҳрвандон то наздиктарин биноҳои мақомот, додгоҳҳо, намояндагиҳои дипломатӣ бояд на камтар аз 300 метр дуртар бошад.

Тибқи лоиҳа, ариза барои гирдиҳамоӣ ё роҳпаймоиҳо бояд на дертар аз 15 рӯзи корӣ пеш аз санаи банақшагирифташуда пешниҳод карда шавад. Он аз ҷониби масъулин дар давоми даҳ рӯзи корӣ баррасӣ карда мешавад. Ба давлатҳои хориҷӣ, ташкилотҳои байналмилалӣ ва ғайриҳукуматии ғайритиҷоратӣ маблағгузорӣ намудани чорабиниҳои оммавӣ манъ карда шудааст. Муҳокимаи санади мазкур то 2-уми сентябр идома хоҳад ёфт.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.