Тоҷикистон: тағйирот ба КМҶ
Тағйирот ба Кодекси мурофиавии ҷиноятӣ, ки аз ҷониби вакилони палатаи поёнии парлумони Тоҷикистон 16 декабри соли 2022 тасвиб шуда буд, дар Тоҷикистон эътибор пайдо кард. Тибқи тағйироти нав, аз ин ба баъд на танҳо нашри рӯзнома ё маҷалла, маълумот аз радио ва телевизион, балки ҳама гуна нашрия дар интернет метавонад барои боз кардани парвандаи ҷиноӣ асос гардад.
«Дар моддаи 144-и Кодекси мурофиавии ҷиноятӣ, ки қаблан гуфта шуда буд, «хабар метавонад барои оғоз намудани парвандаи ҷиноятӣ асос шуда бошад, агар он воқеан асоснок бошад ва дар рӯзномаю маҷалла чоп шуда бошад, ё тавассути радио ва телевизион паҳн карда шуда бошад», калимаи «Интернет» илова карда шавад», гуфта мешавад дар матни лоиҳа.
Қобили зикр аст, ки бо ин роҳ режими Раҳмон танҳо таҷрибаи мавҷударо қонунӣ мегардонад — ҳодисаҳои боз кардани парвандаи ҷиноӣ алайҳи афроде, ки дар шабакаҳои иҷтимоӣ маводҳо интишор мекарданд, кайҳо боз дар Тоҷикистон сабт мешавад.
«Ин танҳо як тасҳеҳ ба яке аз моддаҳои Кодекси мурофиавии ҷиноятӣ мебошад. Дар Тоҷикистон касе таваҷҷуҳ надорад, ки дар кадом асос парвандаи ҷиноӣ боз шудааст. Барои оғоз кардани парванда қарор кофӣ аст», — мегӯяд ҳуқуқшиноси тоҷик Ҷамшед Ёров. Ба андешаи ӯ, тағйирот ба Кодекси мурофиавии ҷиноятӣ чизеро тағйир намедиҳад, зеро мақомоти Тоҷикистон шаҳрвандони ба онҳо номаъқулро муддати тӯлонӣ барои нашри маводҳо дар шабакаҳои иҷтимоӣ ба зиндон мефиристанд.
